റിലേഷൻഷിപ്പിൽ തുല്യ പങ്കാളിത്തമാണ് വേണ്ടതെന്ന് നടി സംയുക്ത മേനോൻ. തന്റെ ജീവിതത്തിൽ രണ്ട് റിലേഷൻഷിപ്പുകൾ ഉണ്ടായിട്ടുണ്ടെന്നും അത് തന്നെ ഒരുപാട് കാര്യങ്ങൾ പഠിപ്പിച്ചെന്നും നടി പറഞ്ഞു. യുട്യൂബിൽ ഐ ആം വിത്ത് ധന്യ വർമ എന്ന ഷോയിൽ സംസാരിക്കുകയായിരുന്നു നടി. 
‍
രണ്ടാമത്തെ പ്രണയബന്ധം വളരെ ടോക്സിക്കായിരുന്നെന്നും അതിൽ നിന്നാണ് ഒരു ബന്ധത്തിൽ നിന്നും താൻ ആ​ഗ്രഹിക്കുന്നതെന്താണെന്ന് മനസ്സിലായതെന്നും സംയുക്ത പറഞ്ഞു. "വളരെ ടോക്‌സിക്കായിരുന്ന രണ്ടാമത്തെ പ്രണയബന്ധത്തിന് ശേഷമാണ് ഒരു ബന്ധത്തിൽ നിന്നും എന്താണ് ഞാൻ ആഗ്രഹിക്കുന്നതെന്ന് മനസിലായത്. ഞാൻ മറ്റേയാളെ കുറ്റം പറയില്ല. കാരണം ഒരു റിലേഷൻഷിപ്പ് വർക്ക് ആകണമെങ്കിൽ രണ്ട് പേർ തമ്മിൽ ചേർച്ചയുണ്ടാവണം. അങ്ങനെയല്ല എന്നുകരുതി ആരും മോശക്കാരാകുന്നില്ല എന്ന് തന്നെയാണ് ഞാൻ വിശ്വസിക്കുന്നത്. എനിക്ക് ആ വ്യക്തിയോട് ഒരുപാട് നന്ദിയുണ്ട്. കാരണം എനിക്ക് എന്താണ് വേണ്ടതെന്ന് മനസിലായത് ആ റിലേഷനിലൂടെയാണ്. ഒരു റിലേഷൻഷിപ്പ് എന്തായിരിക്കണമെന്നും വിലയും മൂല്യവും മനസിലാക്കി തന്നതും അവിടെ നിന്നാണ്", സംയുക്ത പറഞ്ഞു. 

ഒരാളുടെ ജീവിതത്തിലേക്ക് കടന്നുചെന്ന് ഒരമ്മയെ പോലെ തെറ്റുകൾ തിരുത്തി നന്നാക്കിയെടുക്കാനൊന്നും തനിക്കാകില്ലെന്നും നടി പറഞ്ഞു. റിലേഷൻഷിപ്പിൽ തുല്യ പങ്കാളിത്തമാണ് താൻ ആ​​ഗ്രഹിക്കുന്നതെന്നും സംയുക്ത കൂട്ടിച്ചേർത്തു. 

ഈ വാര്‍ത്ത കൂടി വായിക്കൂ 

അമിതാഭ് ബച്ചന് പരിക്ക്, ലോഹക്കഷണം കൊണ്ട് കാലിലെ ഞരമ്പ് മുറിഞ്ഞു; വിശ്രമം വേണമെന്ന് ഡോക്ടർമാർ 

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ