ബോളിവുഡിലെ സൂപ്പർതാരജോഡികളാണ് ഐശ്വര്യ റായും അഭിഷേക് ബച്ചനും. ഇരുവരുടേയും 14ാം വിവാഹവാർഷികമായിരുന്നു ഇന്നലെ. എന്നാൽ ഷൂട്ടിങ് തിരക്കിലായതിനാൽ ഐശ്വര്യയ്ക്കൊപ്പം ആഘോഷിക്കാൻ അഭിഷേകിന് സാധിച്ചില്ല. എന്നാൽ ഇതിന് പകരമായി ഓൺലൈനായി വിവാഹ വാർഷികം ആഘോഷിച്ചിരിക്കുകയാണ് ദമ്പതികൾ. 

വിഡിയോ കോളിലൂടെയാണ് ഇരുവരും കണ്ടത്. ഐശ്വര്യ തന്നെയാണ് വിഡിയോ കോളിന്റെ സ്ക്രീൻഷോട്ട് സോഷ്യൽ മീഡിയയിൽ പങ്കുവെച്ചത്. ഐശ്വര്യയുടെ മടിയിൽ ഇരിക്കുന്ന ആരാധ്യയേയും ചിത്രത്തിൽ കാണാം. കാപ്ഷനൊന്നും ഇല്ലാതെയാണ് ചിത്രം പങ്കുവെച്ചിരിക്കുന്നത് എങ്കിലും ഇരുവർക്കും ആശംസകൾ നേർന്നുകൊണ്ട് നിരവധി ആരാധകരാണ് കമന്റ് ചെയ്യുന്നത്. 
 

സിനിമാചിത്രീകരണവുമായി ബന്ധപ്പെട്ട് ലക്‌നൗവിൽ ആണ് അഭിഷേക് ഇപ്പോൾ. 2007 ഏപ്രിൽ 20 നാണ് അഭിഷേക് ബച്ചനും ഐശ്വര്യ റായിയും വിവാഹിതരായത്. ഇരുവരും നിരവധി സിനിമകളിൽ ഒന്നിച്ച് അഭിനയിച്ചിട്ടുണ്ട്.