'വിവാഹ ആവാഹനം' എന്ന പുതിയ ചിത്രത്തിൽ 'ഗുപ്‍തേട്ടൻ' എന്ന കഥാപാത്രമായി അജു വർ​ഗീസ്. അജുവിന്റെ ക്യാരക്ടര്‍ പോസ്റ്റർ പുറത്തുവിട്ടു. സാജൻ ആലുംമൂട്ടിൽ സംവിധാനം ചെയ്യുന്ന ചിത്രത്തിൽ നിരഞ്‍ജ് മണിയൻപിള്ള രാജുവാണ് നായകൻ. യഥാർഥ സംഭവങ്ങളെ ഉൾകൊള്ളിച്ചാണ് ചിത്രം ഒരുക്കിയിരിക്കുന്നതെന്നാണ് റിപ്പോർട്ടുകൾ. പുതുമുഖ താരം നിതാര നഥിൻ ആണ് നായിക. 

‌'ഒരു മുറൈ വന്ത് പാർത്തായ' എന്ന ചിത്രത്തിനുശേഷം സാജൻ സംവിധാനം ചെയ്യുന്ന ചിത്രമാണിത്. ചിത്രത്തിന്റെ കഥ, തിരക്കഥ ഒരുക്കിയത് നിതാര ആണ്. പ്രശാന്ത് അലക്സാണ്ടർ, സുധി കോപ്പാ, സാബുമോൻ, സന്തോഷ് കീഴാറ്റൂർ, രാജീവ് പിള്ള, ബാലാജി ശർമ, ഷിൻസ് ഷാൻ, ഫ്രാങ്കോ, സ്‍മൃതി, നന്ദിനി എന്നിവരും അഭിനയിക്കുന്നു. ചാന്ദ് സ്റ്റുഡിയോ, കാർമിക് സ്റ്റുഡിയോസ് എന്നീ ബാനറുകളിൽ മിഥുൻ ആർ ചന്ദ്, സാജൻ ആലുംമൂട്ടിൽ എന്നിവർ ചേർന്നാണ് നിർമ്മാണം. 

ഈ വാര്‍ത്ത കൂടി വായിക്കൂ

മാത്യു-നസ്‌ലിൻ ഹിറ്റ് ജോഡി വീണ്ടും, പാന്‍-ഇന്ത്യന്‍ സിനിമ; 'നെയ്മർ'

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ

‍