പുഷ്പ രാജായി അല്ലു അർജുനെത്തുന്ന പുഷ്പ 2 വിന് തെന്നിന്ത്യൻ സിനിമ പ്രേക്ഷകർക്കർക്കിടയിൽ വൻ ഹൈപ്പാണുള്ളത്. അല്ലു അർജുന്റെയും ഫഹദ് ഫാസിലിന്റെയും കിടിലൻ പെർഫോമൻസ് തന്നെയായിരുന്നു ചിത്രത്തിന്റെ ഏറ്റവും വലിയ ഹൈലൈറ്റും. ക്രിസ്മസ് റിലീസായി ഡിസംബർ ആറിനാണ് ചിത്രം തിയറ്ററുകളിലെത്തുന്നത്. ഓ​ഗസ്റ്റ് 15 നാണ് ആദ്യം ചിത്രത്തിന്റെ റിലീസ് പ്രഖ്യാപിച്ചിരുന്നത്.

തിങ്കളാഴ്ചയാണ് പുതുക്കിയ റിലീസ് തീയതി നിർമ്മാതാക്കൾ പുറത്തുവിട്ടത്. ബാക്കിയുള്ള ചിത്രീകരണവും പോസ്റ്റ്-പ്രൊഡക്ഷൻ ജോലികളും കാരണമാണ് ചിത്രത്തിന്റെ റിലീസ് നീട്ടിയതെന്നാണ് അണിയറപ്രവർത്തകർ നൽകിയ വിവരം. എന്നാൽ പുതിയ റിലീസ് തീയതി പുറത്തുവിട്ടതിന് പിന്നാലെ നിരവധി ആരാധകരാണ് സോഷ്യൽ മീഡിയയിൽ നിരാശ പ്രകടിപ്പിച്ച് രം​ഗത്തെത്തിയത്.

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

'ഇതെന്താ തമാശയാണോ? പ്രേക്ഷകരുടെ വികാരത്തെ തൊട്ട് കളിക്കുന്നോ ? പുഷ്പ ആരാധകരെ പ്രതിനിധീകരിച്ച് സിനിമ എത്രയും വേ​ഗം റിലീസ് ചെയ്യാൻ ഞാൻ കോടതിയിൽ കേസ് ഫയൽ ചെയ്യു'മെന്നാണ്- രോഷത്തോടെ ഒരു ആരാധകൻ കുറിച്ചിരിക്കുന്നത്.

' ഇത് എത്രാമത്തെ തവണയാണ് നിങ്ങൾ തീയതി മാറ്റുന്നത്. ഇത് ഒട്ടും ശരിയല്ല' എന്നാണ് മറ്റൊരു ആരാധകന്റെ പരാതി. 'ദയവായി ഇനിയും നീട്ടിവെക്കരുത്. ഇതില്ലാതെ ജീവിക്കാൻ പറ്റില്ല'- മറ്റൊരാൾ കുറിച്ചു. അതേസമയം വൻ താരനിരയാണ് പുഷ്പ 2 വിലും അണിനിരക്കുന്നത്.