അനി ഐ വി ശശി സംവിധാനം ചെയ്ത തമിഴ് ഹ്രസ്വചിത്രം 'മായ' റിലീസ് ചെയ്തു. അശോക് സെൽവാനും പ്രിയ ആനന്ദുമാണ് മായയിലെ പ്രധാന കഥാപാത്രങ്ങളെ അവതരിപ്പിച്ചിരിക്കുന്നത്. ചിത്രത്തിൽ നിന്ന് ലഭിക്കുന്ന മുഴുവൻ വരുമാനവും കോവിഡ് ദുരിതാശ്വാസത്തിനാണ് ഉപോയോഗിക്കുക. 

2017 ൽ അനി സംവിധാനം ചെയ്ത ഹ്രസ്വ ചിത്രമാണിത്. 2017ലെ ഷിക്കാഗോ സൗത്ത് ഏഷ്യൻ ഫിലിം ഫെസ്റ്റിവലിൽ മികച്ച ഹ്രസ്വചിത്രത്തിനുള്ള പുരസ്‌ക്കാരം മായയ്ക്ക് ലഭിച്ചിരുന്നു. സംവിധായകരായ വെങ്കിട് പ്രഭു, അശ്വത് മാരിമുത്തു, നടിമാരായ അനുപമ പരമേശ്വരൻ, ഐശ്വര്യ ലക്ഷ്മി, റിതു വർമ്മ, വാണി ബോജൻ, വിശ്വക് സെൻ, നിഹാരിക കൊണ്ടാല, ഐശ്വര്യ രാജേഷ്, പ്രിയ ഭവാനി ശങ്കർ എന്നിവരാണ് ചിത്രം സമൂഹമാധ്യമങ്ങളിലൂടെ പങ്കുവയ്ച്ചത്.

സംവിധായകൻ ഐ.വി ശശിയുടെയും സീമയുടെയും മകനാണ് അനി. രയ്ക്കാർ അറബിക്കടലിന്റെ സിംഹത്തിന്റെ സഹരചയിതാവും അസോസിയേറ്റ് ഡയറക്ടറുമാണ്. ഒപ്പമുൾപ്പെടെ നിരവധി മലയാളം  ഹിന്ദി ചിത്രങ്ങളിൽ പ്രിയദർശന്റെ സംവിധാന സഹായിയായിരുന്നു. അശോക് സെൽവൻ, ഋതു വർമ, നിത്യ മേനോൻ എന്നിവർ അഭിനയിച്ച തമിഴ്-തെലുങ്ക് ചിത്രം  നിന്നിലാ നിന്നിലാ സംവിധാനം ചെയ്തത് അനിയാണ്. ചിത്രം ഈയടുത്താണ് റിലീസ് ചെയതത്.