ഇന്ത്യയിൽ ഏറ്റവും കൂടുതൽ പ്രതിഫലം വാങ്ങുന്ന ​ഗായിക അല്ലെങ്കിൽ ​ഗായകൻ ആരാണെന്ന ചർച്ച എപ്പോഴും ഉണ്ടാകാറുണ്ട്. ബോളിവുഡിൽ ഏറ്റവും കൂടുതൽ സിനിമകളിൽ പാടുന്നത് അർജിത് സിങ് ആയതിൽ അദ്ദേഹമായിരിക്കുമെന്ന് പലരും തെറ്റുദ്ധരിക്കാറുണ്ട്. എന്നാൽ എല്ലാവരേയും പിൻതള്ളി ഒന്നാമതെത്തിയിരിക്കുകയാണ് സം​ഗീത സംവിധായകൻ എആർ റഹ്‌മാൻ.

അദ്ദേഹത്തിന്റെ സം​ഗീതം പോലെ തന്നെ അദ്ദേഹത്തിന്റെ ശബ്‌ദത്തിനും ആരാധകർ ഏറെയാണ്. മൂന്ന് കോടി രൂപയാണ് റഹ്‌മാൻ പ്രതിഫലമായി വാങ്ങുന്നതെന്നാണ് ദേശീയ മാധ്യമങ്ങൾ റിപ്പോർട്ട് ചെയ്യുന്നത്.

റഹ്മാൻ തന്നെ സം​ഗീതം നിർവഹിക്കുന്ന പാട്ടുകളാണ് അദ്ദേഹം കൂടുതലായും ആലപിക്കാറുള്ളത്. പരസ്യ ജിങ്കിളുകൾക്ക് സം​ഗീതം ഒരുക്കിയായിരുന്നു തുടക്കം. പിന്നീട് 1992ൽ മണിരത്നം ചിത്രം 'റോജ'യിലൂടെയാണ് സം​ഗീത ലോകത്ത് ശ്രദ്ധേയനായത്. മലയാളത്തിൽ യോദ്ധയാണ് ആദ്യ ചിത്രം. 

ഈ വാര്‍ത്ത കൂടി വായിക്കൂ 

ഫോണിലേക്ക് മമ്മൂട്ടിയുടെ സർപ്രൈസ് കോൾ; കൊല്ലം ഷായുടെ ചികിത്സാച്ചെലവ്‌ ഏറ്റെടുത്ത് താരം, നന്ദി പറഞ്ഞ് മനോജ്

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ