ആരാധകർ ഏറെ പ്രതീക്ഷയോടെ കാത്തിരിക്കുന്ന ചിത്രമാണ് ദളപതി വിജയ്‌നെ നായകനാക്കി ലോകേഷ് കനകരാജ് സംവിധാനം ചെയ്യുന്ന ലിയോ. ബോളിവുഡിൽ നിന്ന് ഉൾപ്പടെ വൻ താരനിരയാണ് ചിത്രത്തിലുള്ളത്. ഇപ്പോൾ മലയാളികളെ ആവേശത്തിലാക്കിക്കൊണ്ട് ഒരു വാർത്ത എത്തുകയാണ്. മലയാളത്തിന്റെ ആക്ഷൻ താരം ബാബു ആന്റണിയാണ് ലിയോയിൽ വേഷമിടുന്നത്. 

സോഷ്യൽ മീഡിയയിൽ പങ്കുവച്ച പോസ്റ്റിലൂടെ താരം തന്നെയാണ് ഇത് വ്യക്തമാക്കിയത്. ലിയോ ടീമിൽ ജോയിൻ ചെയ്യാൻ താരം കശ്മീരിലേക്ക് പുറപ്പെട്ടു. ലൊക്കേഷനിലേക്കുള്ള യാത്രയ്ക്കിടെ താരം ഡൽഹി എയർപോർട്ടിൽ വച്ച് ഫുട്ബോൾ താരം ഐഎം വിജയനെ കണ്ടുമുട്ടി. അദ്ദേഹത്തിനൊപ്പമുള്ള ചിത്രം പോസ്റ്റ് ചെയ്തുകൊണ്ടാണ് കുറിപ്പ്. 

മാസ്റ്ററിന് ശേഷം ലോകേഷും വിജയ്‌യും ഒന്നിക്കുന്ന ചിത്രമാണ് ലിയോ. മലയാളി താരം മാത്യുവും ചിത്രത്തിലൊരു പ്രധാന വേഷം ചെയ്യുന്നുണ്ട്. ലിയോയുടെ ചിത്രീകരണം കശ്മീരില്‍ പുരോഗമിക്കുകയാണ്. തൃഷ നായികയാവുന്ന ചിത്രത്തിൽ വൻതാരനിരയാണ് അണിനിരക്കുന്നത്. സഞ്ജയ് ദത്ത്, അർജുൻ, പ്രിയ ആനന്ദ്, മിഷ്‌കിൻ, മൺസൂർ അലി ഖാൻ എന്നിവരും ചിത്രത്തിന്‍റെ ഭാഗമാണ്.

ഈ വാര്‍ത്ത കൂടി വായിക്കൂ 

'ഭർത്താവിന്റെ തലാഖ്, ബഹുഭാര്യത്വ അവകാശം നഷ്ടപ്പെടും, സഹോദരിമാരെ ആലോചിച്ച് തീരുമാനിക്കൂ'; കുറിപ്പുമായി ഷുക്കൂർ വക്കീൽ

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ