തഗ്ഗ് മറുപടികളുടെ രാജാവാണ് ബൈജു സന്തോഷ് (Baiju Santhosh). അഭിമുഖമായാലും പ്രൊമോഷന് പരിപാടിയായാലും ശരി, നോക്കിയും കണ്ടും ചോദ്യങ്ങള് ചോദിച്ചില്ലെങ്കില് ബൈജുവിന്റെ പക്കല് നിന്നും തലയ്ക്ക് കൊട്ട് കിട്ടുമെന്ന് ഉറപ്പാണ്. അതുകൊണ്ട് തന്നെ സോഷ്യല് മീഡിയയുടെ പ്രിയങ്കരനാണ് ബൈജു. അഭിമുഖങ്ങളില് നിന്നും മറ്റുമുള്ള ബൈജുവിന്റെ തഗ്ഗ് മറുപടികള് വൈറലായി മാറാറുണ്ട്. ഇപ്പോഴിതാ ബൈജുവിന്റെ പുതിയൊരു വീഡിയോ വൈറലാവുകയാണ്.
കഴിഞ്ഞ ദിവസമാണ് സംവിധായകന് ബാലു കിരിയത്തിന്റെ മകന്റെ വിവാഹം നടന്നത്. വിവാഹത്തില് അതിഥിയായി ബൈജുവുമെത്തിയിരുന്നു. വരനും വധുവിനുമൊപ്പം നിന്ന് ബൈജു ഫോട്ടോയെടുക്കുന്നതിനിടെയാണ് രസകരമായ സംഭവമുണ്ടാകുന്നത്. ഫോട്ടോയ്ക്ക് പോസ് ചെയ്യവെ വരന് ഹസ്തദാനം നല്കിയ താരത്തോട് വധുവിനും കൈ നല്കാന് ഫോട്ടോഗ്രാഫര്മാര് ആവശ്യപ്പെട്ടു. എന്നാല് ബൈജു ഉടന് തന്റേതായ ശൈലിയില് അവര്ക്ക് മറുപടി നല്കുകയാണ്.
''ഓ ഇയാള് പറയും പോലെ ചെയ്യാനല്ലേ ഞാന് ഇങ്ങ് വന്നിരിക്കുന്നത്'' എന്നായിരുന്നു ബൈജുവിന്റെ മറുപടി. ഈ വീഡിയോയാണ് സോഷ്യല് മീഡിയയില് വൈറലാകുന്നത്. കല്യാണ വീട്ടില് മെയിന് ആകാന് ശ്രമിക്കുന്ന എല്ലാ ക്യാമറാമാന്മാര്ക്കുമുള്ളതാണ് ബൈജുവിന്റെ മറുപടിയെന്നാണ് ആരാധകര് പറയുന്നത്. അതേസമയം വീഡിയോ പങ്കുവച്ചത് ഫോട്ടോഗ്രാഫര്മാര് തന്നെയാണെന്നതും ശ്രദ്ധേയമാണ്.
കഴിഞ്ഞ ദിവസം പുറത്തിറങ്ങിയ വ്യസനസമേതം ബന്ധുമിത്രാദികള് ആണ് ബൈജുവിന്റേതായി ഒടുവില് പുറത്തിറങ്ങിയ സിനിമ. ജെഎസ്കെ, ഭഭബ തുടങ്ങിയവാണ് അണിയറയിലുള്ള സിനിമകള്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates