മലയാളികളുടെ പ്രിയപ്പെട്ട നടൻമാരിലൊരാളാണ് ബേസിൽ ജോസഫ് (Basil Joseph). ബേസിലിന്റെ ഒരു കുട്ടിക്കാല വിഡിയോ ആണിപ്പോൾ സമൂഹമാധ്യമങ്ങളുടെ ശ്രദ്ധ നേടുന്നത്. അശ്വമേധം പരിപാടിയിൽ പങ്കെടുക്കാനെത്തിയ ബേസിലിന്റെ വിഡിയോയാണ് വൈറലായി കൊണ്ടിരിക്കുന്നത്. നിമിഷ നേരം കൊണ്ടാണ് ബേസിലിന്റെ വിഡിയോ സോഷ്യൽ മീഡിയയിൽ തരം​ഗമായി മാറിയത്. നിർമാതാവ് ബാദുഷയും ഈ വിഡിയോ സമൂഹമാധ്യമങ്ങളിൽ പങ്കുവച്ചിട്ടുണ്ട്.

'ടൊവിനോയ്ക്ക് ഒരാഴ്ചത്തേക്ക് ഉള്ളതായി'., 'ബേസിലെ, നീ തീർന്നെടാ', 'ഇതിന് പിറകിൽ ടൊവിനോ ആണെന്ന് ഒരു കര കമ്പി ഉണ്ട് ശരിയാണോ'- എന്നൊക്കെയാണ് സോഷ്യൽ മീഡിയയിൽ നിറയുന്ന കമന്റുകൾ. എന്നാൽ വിഡിയോ വൈറലായതിന് പിന്നാലെ കുട്ടിക്കാലത്തെ തന്റെ മറ്റൊരു ചിത്രവുമായി ബേസിലും സോഷ്യൽ മീഡിയയിലെത്തി.

'അശ്വമേധം മാത്രമല്ല, ലേശം സംഗീതവും വശമുണ്ടായിരുന്നു ഗയ്‌സ്'- എന്ന അടിക്കുറിപ്പോടെയാണ് ​ഗിറ്റാർ കൈയിൽ പിടിച്ചുള്ള ചിത്രത്തിനൊപ്പം ബേസിൽ കുറിച്ചിരിക്കുന്നത്. ബേസിലിന്റെ ഈ പോസ്റ്റും നിമിഷ നേരം കൊണ്ട് വൈറലായിരിക്കുകയാണ്.

'എന്നെ ട്രോളാൻ വേറെ ഒരുത്തനും വരണ്ട ഞാൻ തന്നെ ട്രോളിക്കോളാം', 'അതൊക്കെ ഒരു കാലം', 'ആരെങ്കിലും ട്രോളുന്നതിനു മുന്നേ ഞാൻ തന്നെ ഇട്ടേക്കാം', 'രാമനാഥന് ഇതും വശമുണ്ട് അല്ലേ ?'- എന്നൊക്കെയാണ് ചിത്രത്തിന് താഴെ നിറയുന്ന കമന്റുകൾ. അതേസമയം ടൊവിനോയുടെ കമന്റിനായുള്ള കാത്തിരിപ്പിലാണ് ആരാധകർ.

ജന്മം നല്‍കിയല്ല, കര്‍മ്മം കൊണ്ട് അച്ഛനായവര്‍; ഫാദേഴ്‌സ് ഡേയില്‍ 'നല്ലച്ഛന്മാരുടെ' സിനിമകള്‍

ടൊവിനോയുടെ കമന്റിനായി കാത്തിരിക്കുന്നുവെന്നാണ് ഭൂരിഭാ​ഗം പേരും കുറിച്ചിരിക്കുന്നത്. ബേസിലിന്റേതായി എത്തിയ പ്രാവിൻകൂട് ഷാപ്പ്, പൊന്മാൻ, മരണമാസ് എന്നീ ചിത്രങ്ങൾ വൻ ഹിറ്റായി മാറിയിരുന്നു.