ബോളിവുഡ് കിങ് ഖാൻ ഷാറൂഖിന്റെ വീട്ടിൽ ഒരു ദിവസം താമസിക്കാൻ അവസരമുണ്ടായാൽ ആരാണ് വേണ്ടെന്ന് വയ്ക്കുക. ഇപ്പോഴിതാ തന്റെ ഡൽഹിയിലെ വീട്ടിൽ അതിഥികളായി എത്താൻ അവസരമൊരുക്കിയിരിക്കുകയാണ് നടന്‍. ഷാറൂഖ് ഖാൻ തന്നെയാണ് ഇക്കാര്യം അറിയിച്ചിരിക്കുന്നത്. 

ഡൽഹിയിലെ ആദ്യ നാളുകളിലെ ഒരുപാട് ഓർമ്മകൾ ഉള്ള വീടാണെന്ന് കുറിച്ചാണ് ഷാറൂഖ് പോസ്റ്റ് തുടങ്ങിയത്. ഈ വീട് നടന്റെ ഭാര്യയും ഇന്റീരിയർ ഡിസൈനറുമായ ഗൗരി ഖാൻ പുതിയ രൂപത്തിലാക്കിയിരിക്കുകയാണ്. ഇവിടം എയർബിഎൻബി (വാടകയ്ക്ക് താമസസൗകര്യം ഒരുക്കുന്ന സേവനദാതാക്കൾ) വഴി താത്പര്യമുള്ളവർക്ക് നൽകുകയാണെന്നാണ് താരം അറിയിച്ചത്.

ഭാ​ഗ്യശാലികളായ ഒരു ദമ്പതികൾക്കാണ് താരത്തിന്റെ വീട്ടിൽ താമസിക്കാൻ അവസരം ലഭിക്കുക. പ്രണയദിനം പ്രമാണിച്ച് അടുത്തവർഷം ഫെബ്രുവരി 13, 14 തിയതികളിലാണ് ഇതിനായി തിരഞ്ഞെടുത്തിരിക്കുന്നതെന്ന് ​ഗൗരി ഖാൻ അഭിമുറത്തിൽ പറഞ്ഞു.