നടനും സംവിധായകനുമായ ചാരുഹാസന്‍ ആശുപത്രിയില്‍. മകളും നടിയുമായ സുഹാസിനിയാണ് വിവരം സോഷ്യൽ മീഡിയയിലൂടെ പങ്കുവച്ചത്. 'അവധിക്കാലമെന്നാണോ അതോ എന്റെ അച്ഛന്റെ മെഡിക്കല്‍ സ്റ്റേകേഷന്‍ എന്നാണോ വിളിക്കേണ്ടത്. ഡോക്ടര്‍മാരുടെയും നഴ്‌സുമാരുടെയും പെണ്‍മക്കളുടെയും സ്‌നേഹത്തോടെയും കരുതലോടെയും അദ്ദേഹം സുഖം പ്രാപിക്കുന്നു'- എന്നാണ് ചാരുഹാസനൊപ്പമുള്ള ചിത്രം പങ്കുവച്ച് സുഹാസിനി കുറിച്ചിരിക്കുന്നത്.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

താരങ്ങളടക്കം നിരവധി പേരാണ് അദ്ദേഹം വേ​ഗം സുഖം പ്രാപിക്കട്ടെയെന്ന് ആശംസിച്ചിരിക്കുന്നത്. തമിഴ്, കന്നഡ, തെലുങ്ക്, മലയാളം, ഹിന്ദി ഭാഷകളിലെ ചിത്രങ്ങളില്‍ അഭിനയിച്ചിട്ടുണ്ട്. നടൻ കമൽ ഹാസന്റെ ചേട്ടനാണ് ചാരു ഹാസൻ. ചാരു ഹാസനൊപ്പമുള്ള ചിത്രങ്ങൾക്ക് ഇടയ്ക്ക് സോഷ്യൽ മീഡിയയിലൂടെ കമൽ ഹാസൻ പങ്കുവയ്ക്കാറുണ്ട്.