മലയാളത്തിന്റെ മഹാനടന്‍ മമ്മൂട്ടിയുടെ 72ാം ജന്മദിനമാണ് ഇന്ന്. പ്രിയതാരത്തിന് ആശംസകളുമായി നിരവധി പേരാണ് എത്തുന്നത്. ഇപ്പോള്‍ ആരാധകരുടെ ഹൃദയം കവരുന്നത് ദുല്‍ഖര്‍ സല്‍മാന്‍ പങ്കുവച്ച കുറിപ്പാണ്. നടനായപ്പോഴും അച്ഛനായപ്പോഴുമെല്ലാം അച്ഛനെപ്പോലെയാകാനാണ് ആഗ്രഹിച്ചത് എന്നാണ് ദുല്‍ഖര്‍ കുറിക്കുന്നത്. ഒരു ദിവസം അച്ഛന്റെ പാതിയെങ്കിലുമാവാന്‍ സാധിക്കുമെന്ന് പ്രതീക്ഷിക്കുന്നതായും താരം കുറിച്ചു.
ഞാന്‍ കുട്ടിയായിരുന്നപ്പോള്‍ നിങ്ങളെപ്പോലൊരു മനുഷ്യനാകാനാണ് ആഗ്രഹിച്ചത്. ആദ്യമായി കാമറയ്ക്ക് മുന്നില്‍ എത്തിയപ്പോള്‍ നിങ്ങളെപ്പോലൊരു നടനാവാന്‍ ആഗ്രഹിച്ചു. ഞാനൊരു അച്ഛനായപ്പോഴും ഞാന്‍ ആകാന്‍ ആഗ്രഹിച്ചതെല്ലാം നിങ്ങളായിരുന്നു. ഒരു ദിവസം നിങ്ങളുടെ പാതിയെങ്കിലും ആകാന്‍ എനിക്കാവുമെന്ന് പ്രതീക്ഷിക്കുകയാണ് പാ. സന്തോഷകരമായ പിറന്നാള്‍ ആഘോഷിക്കുന്നു. നിങ്ങള്‍ക്ക് കഴിയുന്ന വിധത്തില്‍ ലോകത്തെ വിസ്മയിപ്പിക്കുന്നതും വിനോദിപ്പിക്കുന്നതും പ്രചോദിപ്പിക്കുന്നതും തിടരൂ.- ദുല്‍ഖര്‍ കുറിച്ചു.
പ്രിയപ്പെട്ട ദിവസം, ലോകം എന്റെ നായകനെ ആഘോഷിക്കുന്നു, മൈ ഡാഡി സ്‌ട്രോങ്ങസ്റ്റ്, ഫാന്‍ ബോയ് ഫസ്റ്റ് തുടങ്ങിയ ഹാഷ്ടാഗിലാണ് പോസ്റ്റ്. മമ്മൂട്ടിക്കൊപ്പം നില്‍ക്കുന്ന ബ്ലാക്ക് ആന്‍ഡ് വൈറ്റ് ചിത്രവും പോസ്റ്റിനൊപ്പം ഉള്‍പ്പെടുത്തിയിട്ടുണ്ട്. പോസ്റ്റിന് താഴെ നിരവധി പേരാണ് മലയാളത്തിന്റെ സൂപ്പര്‍താരത്തിന് ആശംസകളുമായി എത്തുന്നത്.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates