ദുൽഖർ സൽമാന്റേയും ഭാര്യ ആമാലിന്റേയും 11ാം വിവാഹവാർഷികമായിരുന്നു കഴിഞ്ഞ ദിവസം. എല്ലാ സ്പെഷ്യൽ ഡേയ്സിലും താരം തന്റെ പ്രിയപ്പെട്ടവളെക്കുറിച്ച് മനോഹരമായ കുറിപ്പ് പങ്കുവയ്ക്കാറുണ്ട്. ഇത്തവണയും ഇതിൽ മാറ്റമുണ്ടായില്ല. കടന്നുപോയ കാലത്തെക്കുറിച്ച് ഓർത്തുകൊണ്ടാണ് ദുൽഖർ അമാലിനെ വിഷ് ചെയ്തത്. ജീവിതത്തിലെ നാഴികക്കല്ലുകളിലേക്ക് തിരിഞ്ഞുനോക്കുമ്പോൾ മറ്റാരുടേയോ കഥ പോലെയാണ് തോന്നുന്നത് എന്നാണ് ദുൽഖർ കുറിച്ചത്. 

ദുൽഖറിന്റെ കുറിപ്പ് ഇങ്ങനെ

സന്തോഷകരമായ 11 വർഷങ്ങൾ ആം. ഈ സമയമെല്ലാം എവിടെ പോയി എന്ന് എനിക്കറിയില്ല. എന്റെ താടി നരച്ചപ്പോൾ, നീ സ്കൂളിലെ അമ്മമാരുടെ ​ഗ്രൂപ്പിൽ കയറിപ്പോൾ, നമ്മൾ സ്വന്തം വീട് വാങ്ങിയപ്പോൾ. ഈ നാഴികക്കല്ലുകളിലേക്ക് തിരിഞ്ഞുനോക്കുമ്പോൾ, അതെല്ലൊം മറ്റാരുടെയോ കഥ പോലെ തോന്നി. പക്ഷെ, അത് നമ്മുടേതാണ്. നമ്മുടെ തന്നെ കഥ. ഇനിയും ഏറെ കാര്യങ്ങളുണ്ട്. പാരന്റിങ്ങും മറ്റു കാര്യങ്ങളും കൊണ്ട് ഓരോ വർഷവും പോസ്റ്റ് വൈകും. 

താരത്തിന്റെ പോസ്റ്റിനു താഴെ ആശംസകളുമായി നിരവധി പേരാണ് കമന്റ് ചെയ്തിരിക്കുന്നത്. കല്യാണി പ്രിയദർശൻ, അദിതി റാവു, മൃണാൽ താക്കൂർ, കാജൽ അ​ഗർവാൾ, നൈല ഉഷ, അഹാന കൃഷ്ണ, വിഷ്ണു ഉണ്ണികൃഷ്ണൻ തുടങ്ങിയ നിരവധി താരങ്ങൾക്ക് ദമ്പതികൾക്ക് ആശംസകൾ കുറിച്ചു. 

ഈ വാര്‍ത്ത കൂടി വായിക്കൂ 

'മരിക്കാൻ പോകുമ്പോഴും ഫുൾ മേക്കപ്പിൽ'; മാളവിക മോഹനന്റെ വിമർശനത്തിന് മറുപടിയുമായി നയൻതാര

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ