മമിത ബൈജുവും സം​ഗീത് പ്രതാപും കേന്ദ്രകഥാപാത്രങ്ങളാകുന്ന ആഷിഖ് ഉസ്മാൻ നിർമ്മിച്ച്, ഡിനോയ് പൗലോസ് സംവിധാനം ചെയ്യുന്ന ചിത്രത്തിന്റെ ഫസ്റ്റ് ലുക്ക് പുറത്തിറങ്ങി. നടനും തിരക്കഥാകൃത്തുമായ ഡിനോയ് പൗലോസ് ആദ്യമായി സംവിധാനം ചെയ്യുന്ന ചിത്രമാണിത്. ചിത്രമൊരു പ്രണയചിത്രമാകുമെന്ന സൂചനയാണ് പോസ്റ്റർ നൽകുന്നത്.

സിനിമയിൽ തുടരുമോ? മമിതയുടെ ചോദ്യത്തിന് വിജയിയുടെ മറുപടി ഇങ്ങനെ..

ചിത്രത്തിന്റെ ഫസ്റ്റ്ലുക്ക് പോസറ്ററിന് സോഷ്യൽ മീഡിയയിൽ വലിയ സ്വീകാര്യതയാണ് ലഭിച്ചത്. പ്രേമലു സിനിമയുമായി ചേർത്ത് വെച്ചുള്ള കമന്റുകളാണ് പോസ്റ്റിന് താഴെ അധികവും. സച്ചിനെവിടെയെന്നും വിദേശത്തിരുന്ന് അവൻ ഇതൊന്നും കാണുന്നില്ലേ എന്നുമുള്ള രസകരമായ ആരാധകരുടെ ചോദ്യങ്ങളാണ് പോസ്റ്ററിന് താഴെ വരുന്നത്.

മുപ്പതുകാരന്‍ ഫഹദിന്റെ നായികയായി പതിനഞ്ചുകാരി അഹാന? ആരുടെ ഭാവന? ചര്‍ച്ചയായി 'അന്നയും റസൂലും'

മലയാളികൾക്ക് ഒട്ടനവധി ഹിറ്റുകൾ സമ്മാനിച്ചിട്ടുള്ള ആഷിഖ് ഉസ്മാന്റെ സ്വന്തം ബാനറായ ആഷിഖ് ഉസ്മാൻ പ്രൊഡക്ഷൻസിന്റെ ഇരുപതാമത്തെ ചിത്രമാണിത്. ബ്രോമാൻസ് ആണ് ഈ ബാനറിൽ അടുത്തിടെ പുറത്തിറങ്ങിയ ചിത്രം. അഖിൽ ജോർജ് സിനിമാറ്റോഗ്രാഫിയും, ചമൻ ചാക്കോ എഡിറ്റിംഗും, ഗോവിന്ദ് വസന്ത സംഗീതവും നിർവഹിക്കുന്നു.