ഉമ്മൻ ചാണ്ടിയുടെ വിയോ​ഗത്തിന് പിന്നാലെ നടൻ വിനായകൻ നടത്തിയ പ്രസ്താവന വൻ വിവാദങ്ങൾക്ക് കാരണമായിരുന്നു. തുടർന്ന് വിനായകനെ രൂക്ഷമായി വിമർശിച്ചുകൊണ്ട് നടനും എംഎൽഎയുമായ ​ഗണേഷ് കുമാർ രം​ഗത്തെത്തി. ഇപ്പോൾ വിനായകന്റെ അഭിനയത്തെ പ്രശംസിച്ചിരിക്കുകയാണ് ​ഗണേഷ് കുമാർ. വിനായകൻ നല്ല നടനാണെന്നും ചില പരാമർശങ്ങളുടെ പേരിലാണ് അഭിപ്രായ വ്യത്യാസമുള്ളത് എന്നുമാണ് താരം പറഞ്ഞത്. ‌

ജയിലർ സിനിമ കാണാൻ തിയറ്ററിൽ എത്തിയതായിരുന്നു ​ഗണേഷ് കുമാർ. വിനായകന്റെ പ്രതിനായക വേഷത്തേക്കുറിച്ചുള്ള അവതാരകന്റെ ചോദ്യത്തിന് മറുപടി പറയുകയായിരുന്നു താരം. വിനായകനൊക്കെ നല്ല നടനല്ലേ അതിൽ ഒരു തർക്കവുമില്ല. വിനായകനോടുള്ള അഭിപ്രായ വ്യത്യാസം ചില പരാമര്‍ശത്തിന്റെ പേരിലാണ്. അതും ഇതുമായി കൂട്ടിക്കുഴക്കേണ്ടതില്ല.  ഒരു നടനെന്ന നിലയിലും കലാകാരന്‍ എന്ന നിലയിലും കഴിവുള്ളവരെ താൻ അംഗീകരിക്കുമെന്നും ​ഗണേഷ് കൂട്ടിച്ചേർത്തു. കണ്ടവരെല്ലാം നല്ല സിനിമയാണെന്ന് പറഞ്ഞതുകൊണ്ടാണ് സിനിമ കാണാനെത്തിയതെന്നും ​ഗണേഷ് കുമാർ പറഞ്ഞു. 

ഉമ്മൻ ചാണ്ടിയുടെ മരണത്തിന് പിന്നാലെയാണ് വിവാദപരാമർശവുമായി വിനായകൻ എത്തിയത്. അതിനു പിന്നാലെ വിനായകനെ രൂക്ഷഭാഷയിൽ ​ഗണേഷ് കുമാർ വിമർശിക്കുകയായിരുന്നു. ഉമ്മൻചാണ്ടിയെക്കുറിച്ച് സമൂഹത്തിന് യാതൊരു ഉപകാരവുമില്ലാത്ത ഒരാൾക്ക് പറയാൻ യാതൊരു യോഗ്യതയും അർഹതയുമില്ല. സംസ്കാരശൂന്യനായ ഒരാളെക്കൊണ്ടേ ഇത്തരത്തിൽ പെരുമാറാൻ കഴിയൂ എന്നാണ് ​ഗണേഷ് പറഞ്ഞത്. 

ഈ വാര്‍ത്ത കൂടി വായിക്കൂ 

'മാത്യു ബോംബെയിലെ ഡോണ്‍, ലെതർ കമ്പനി നടത്തുന്നു': നെൽസന്റെ കയ്യിൽ ഫുൾ കഥയുണ്ടെന്ന് ജയിലർ കാമറാമാൻ 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ