സ്വേച്ഛാധിപതി അഡോൾഡ് ഹിറ്റ്ലറായി ഇന്ദ്രൻസ് എത്തുന്നു. ‘ഒരു ബാര്‍ബറിന്റെ കഥ’ എന്ന ഹൃസ്വചിത്രത്തിലൂടെ താരം ഹിറ്റ്ലറാകുന്നത്. ചിത്രത്തിന്റെ പോസ്റ്ററും പുറത്തുവന്നു. ഹിറ്റ്ലറിന്റെ ലുക്കിൽ നിൽക്കുന്ന ഇന്ദ്രൻസാണ് പോസ്റ്ററിലുള്ളത്. 

ഒരു ഏകാധിപതി എത്തുന്നു, ഒരു ബാര്‍ബറിന്റെ കഥ എന്ന അടിക്കുറിപ്പിലാണ് താരം പോസ്റ്റർ പങ്കുവെച്ചത്. ഹിറ്റ്ലറുടെ ഹെയര്‍സ്‌റ്റൈലും മീശയുമായി നാസി സല്യൂട്ട് ചെയ്യുന്ന ഇന്ദ്രൻസാണ് ചിത്രത്തിൽ. 

ഷനോജ് ആർ ചന്ദ്രൻ സംവിധാനം ചെയ്യുന്ന ചിത്രം നിർമിക്കുന്നത് കേരള സംസ്ഥാന ചലച്ചിത്ര അക്കാദമിയുടെ നിര്‍മ്മാണ സംരംഭമാണ്. ഷനോജ് തന്നെ തിരക്കഥയെഴുതുന്ന ചിത്രത്തിന് ഈണമൊരുക്കുന്നത് ബിജിബാല്‍ ആണ്. രാജേഷ് പീറ്റര്‍ ഛായാഗ്രഹണം നിര്‍വ്വഹിക്കുന്നു.