കഥകള്‍ തേടി സംവിധായകന്‍ ഷാജി കൈലാസിന്റെ മകനും അസിസ്റ്റന്റ് ഡയറക്ടറുമായ ജഗന്‍ ഷാജി കൈലാസ്. സോഷ്യല്‍ മീഡിയയിലൂടെയാണ് ജഗന്‍ വ്യത്യസ്തവും പുതുമയുള്ളതുമായ കഥകള്‍ തേടുന്നതായി അറിയിച്ചത്. വലുതാണെങ്കിലും ചെറുതാണെങ്കിലും, എല്ലാ അനുഭവങ്ങള്‍ക്കും അതിന്റേതായ ശക്തിയുണ്ടെന്നും ആളുകളെ ചിന്തിപ്പിക്കുകയും ലോകത്തെ വേറിട്ട കണ്ണിലൂടെ കാണുന്നതുമായ കഥയുണ്ടെങ്കില്‍ ബന്ധപ്പെടാനാണ് ജഗന്‍ പറയുന്നത്.

സോഷ്യല്‍ മീഡിയ കുറിപ്പില്‍ തന്റെ ഇ-മെയില്‍ വിലാസവും ജഗന്‍ ഷാജി കൈലാസ് പങ്കുവച്ചിട്ടുണ്ട്. നിങ്ങളുടെ കഥ അടുത്ത സിനിമയോ സീരീസോ ആയേക്കാം എന്നും അദ്ദേഹം പറയുന്നു. അതേസമയം താന്‍ തന്നെയാണോ ഈ സിനിമകള്‍ സംവിധാനം ചെയ്യുകയെന്ന് ജഗന്‍ വ്യക്തമാക്കിയിട്ടില്ല.

അച്ഛന്‍ ഷാജി കൈലാസിന്റെ സിനിമയില്‍ അസിസ്റ്റന്റ് ഡയറക്ടറായി പ്രവര്‍ത്തിച്ചിട്ടുള്ള ജഗന്‍ മറ്റ് സിനിമകളിലും വര്‍ക്ക് ചെയ്തിട്ടുണ്ട്. നേരത്തെ ദിലീപിനെ നായകനാക്കി സിനിമ ചെയ്യാന്‍ പദ്ധതിയുണ്ടായിരുന്നു. ഈ സിനിമയുടെ പൂജ ചടങ്ങും നടന്നിരുന്നു. എന്നാല്‍ പിന്നീട് അപ്‌ഡേറ്റുകളൊന്നും ലഭിച്ചിരുന്നു. സിജു വില്‍സണിനെ നായകനാക്കിയുള്ള സിനിമയും ആരംഭിച്ചിരുന്നു.