ടോക്കിയോ: ജാപ്പനീസ് നടിയും ഗായികയുമായ മിഹോ നകയാമ അന്തരിച്ചു. 54 വയസായിരുന്നു. ടോക്കിയോയിലെ വീട്ടില്‍ മരിച്ച നിലയില്‍ കണ്ടെത്തുകയായിരുന്നു. സംഭവത്തില്‍ പൊലീസ് അന്വേഷണം ആരംഭിച്ചു,

നടിയുടെ ഏജന്‍സിയാണ് മരണവാര്‍ത്ത സ്ഥിരീകരിച്ചത്. ഡിസംബര്‍ ആറിനാണ് മരണം സംഭവിച്ചത്. ഒസാകയില്‍ താരം ഒരു ക്രിസ്മസ് പരിപാടിയില്‍ പങ്കെടുക്കേണ്ടതായിരുന്നു. എന്നാല്‍ ആരോഗ്യ പ്രശ്‌നങ്ങള്‍ ചൂണ്ടിക്കാട്ടി താരം പരിപാടിക്ക് എത്തിയില്ല. പിന്നാലെ ബാത്ത്ടബ്ബില്‍ താരത്തെ മരിച്ച നിലയില്‍ കണ്ടെത്തുകയായിരുന്നു. മരണകാരണം വ്യക്തമായിട്ടില്ല.

ഞങ്ങളുടെ കഥയിലെ ഹംസം ഐശ്വര്യ ലക്ഷ്മി, ആദിത്യനോട് പ്രണയം പറയാൻ ആദ്യം പേടിച്ചു: അഞ്ജു ജോസഫ്

നടിയെ കാണാതായതിനെ തുടര്‍ന്ന് അന്വേഷിച്ച് എത്തിയപ്പോഴാണ് മൃതദേഹം കണ്ടെത്തിയത്. 1980കളില്‍ ജപ്പാന്റെ മനം കവര്‍ന്ന കൗമാര താരമായാണ് നകയാമ അഭിനയ ജീവിതം ആരംഭിക്കുന്നത്. 1995ല്‍ റിലീസ് ചെയ്ച ലവ് ലെറ്റര്‍ എന്ന ചിത്ര വന്‍ ഹിറ്റായതോടെയാണ് താരപദവിയിലേക്ക് ഉയരുന്നത്.