മന്ത്രിമാരെ വേദിയിലിരുത്തിക്കൊണ്ട് സർക്കാരിന്റെ കർഷക വിരുദ്ധ നടപടിക്കെതിരായ ജയസൂര്യയുടെ പ്രസ്താവനയിൽ പ്രതികരണവുമായി നടൻ ജോയ് മാത്യു. ജയസൂര്യയാണ് ഇക്കൊല്ലത്തെ തിരുവോണസൂര്യൻ  എന്നാണ് ജോയ് മാത്യു പറഞ്ഞത്. ഇപ്പോഴും രാജവാഴ്ചയാണെന്നും തമ്പ്രാനെ മുതുക് കുനിച്ചു വണങ്ങിയാലേ എന്തെങ്കിലും നക്കാപ്പിച്ച കിട്ടൂവെന്ന് കരുതുന്നവർക്കിടയിൽ ജയസൂര്യ ആ പേരുപോലെ ജയിച്ച സൂര്യനായി എന്നാണ് അദ്ദേഹം കുറിച്ചത്. 

ജോയ് മാത്യുവിന്റെ കുറിപ്പ് വായിക്കാം

തിരുവോണസൂര്യൻ 

മന്ത്രിമാരുള്ള വേദിയിൽ പഞ്ചപുച്ഛമടക്കിതൊഴുതു താണുവണങ്ങി നിൽക്കുന്ന കലാ-സാഹിത്യകാരാണെങ്ങും. ഇപ്പോഴും രാജവാഴ്ചയാണെന്നും 
തമ്പ്രാനെ മുതുക് കുനിച്ചു വണങ്ങിയാലേ എന്തെങ്കിലും നക്കാപ്പിച്ച കിട്ടൂവെന്ന് കരുതുന്നവർക്കിടയിൽ  നടത്തിയ ജനകീയ വിചാരണയോടെ ജയസൂര്യ ആ പേരുപോലെ ജയിച്ച സൂര്യനായി.
അധികാരികളുടെ പുറം ചൊറിയലല്ല, ദുരിതമനുഭവിക്കുന്നവരുടെ നിസ്സഹായാവസ്ഥ അവരെ ബോധിപ്പിക്കുകയാണ് വേണ്ടത് എന്ന ശരിയായ തീരുമാനം പ്രവൃത്തിപഥത്തിൽ കൊണ്ടുവന്ന ജയസൂര്യയാണ് ഇക്കൊല്ലത്തെ തിരുവോണസൂര്യൻ!

ഈ വാർത്ത കൂടി വായിക്കൂ 

'ജയസൂര്യ കയ്യടി അർഹിക്കുന്നു; മറ്റ് നായക നടൻമാരുടെ ശ്രദ്ധയ്ക്ക്, നാട്ടുകാർ സിനിമ കാണാൻ വേണ്ടി മിണ്ടാതിരിക്കണ്ട': ഹരീഷ് പേരടി

 സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ