സിയോൾ; കൊറിയൻ പോപ് താരം മൂൺ ബിൻ അന്തരിച്ചു. 25 വയസായിരുന്നു. ബുധനാഴ്ച രാത്രി എട്ടു 8.10ന് സിയോളിലെ വീടിനുള്ളിൽ താരത്തെ മരിച്ച നിലയിൽ കണ്ടെത്തുകയായിരുന്നു എന്ന്  മാനേജർ വ്യക്തമാക്കി.  ആസ്ട്രോ ബോയ് ബാൻഡിലെ അം​ഗത്തിന്റെ അപ്രതീക്ഷിത മരണ ആരാധകരെ ഞെട്ടിച്ചിരിക്കുകയാണ്. 

മൂണിന്റെ മ്യൂസിക് ലേബലായ ഫന്റാജിയോ ആണ് മരണ വാർത്ത പുറത്തുവിട്ടത്. അസ്ട്രോയിലെ മറ്റ് അം​ഗങ്ങളും ഫന്റാജിയോയിലെ സഹപ്രവർത്തരുമെല്ലാം വലിയ ദുഃഖത്തിലും ഞെട്ടലിലുമാണ്. ആരേക്കാളും അധികമായി തന്റെ ആരാധകരെ സ്നേഹിച്ചിരുന്നു. അപ്രതീക്ഷിത വിയോ​ഗത്തിന്റെ ആഘാതത്തിലാണ് കുടുംബമെന്നും അതിനാൽ താരത്തിന്റെ മരണത്തേക്കുറിച്ച് അഭ്യൂഹങ്ങൾ പ്രചരിപ്പിക്കരുതെന്നും പത്രക്കുറിപ്പിൽ പറയുന്നു. 

2016ലാണ് മൂൺ ബിൻ ആസ്ട്രോയിൽ അരങ്ങേറ്റം കുറിക്കുന്നത്. ജിൻജിൻ, എംജെ, ച യുൻ വൂ, യൂൻ സാൻ-ഹ എന്നിവരാണ് മറ്റ് അം​ഗങ്ങൾ. മൂൺ ബിൻ ആൻഡ് സൻഹ എന്ന ​ഗ്രൂപ്പിന്റേയും ഭാ​ഗമാണ്. അടുത്തിടെയാണ് ഏഷ്യൻ ടൂർ നടത്തിയത്. 
 

ഈ വാർത്ത കൂടി വായിക്കൂ 

ജിമ്മിൽ വച്ച് യുവതിയെ ഭീഷണിപ്പെടുത്തി; നടനെതിരെ കേസ്

 സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ