ഉലകനായകന്‍ കമല്‍ ഹാസന്‍ നായകനായി എത്തിയ ഇന്ത്യന്‍ 2 റിലീസിന് എത്തിയിരിക്കുകയാണ്. നിരവധി സൂപ്പര്‍ഹിറ്റ് ചിത്രങ്ങളാണ് കമല്‍ ഹാസന്‍ ആരാധകര്‍ക്ക് സമ്മാനിച്ചിട്ടുള്ളത്. പലപ്പോഴും താരത്തിന്റെ പ്രകടനമാണ് കയ്യടി നേടാറുള്ളത്. മറ്റ് സൂപ്പര്‍താരങ്ങളെ അപേക്ഷിച്ച് കമല്‍ ഹാസന് ബോക്‌സ് ഓഫിസ് ഹിറ്റുകള്‍ കുറവാണ്. ഏറ്റവും പണം വാരിയ കമല്‍ഹാസന്‍ ചിത്രങ്ങള്‍ ഇവയാണ്.

കമല്‍ഹാസനെ ടൈറ്റില്‍ കഥാപാത്രമാക്കി ലോകേഷ് കനകരാജ് സംവിധാനം ചെയ്ത വിക്രം ആണ് ഏറ്റവും പണം വാരിയ കമല്‍ഹാസന്‍ ചിത്രം. 120 കോടി മുതല്‍മുടക്കില്‍ ഒരുങ്ങിയ ചിത്രം 428 കോടിയാണ് കളക്ഷനായി നേടിയത്. 130 കോടിയാണ് ചിത്രത്തിന്റെ പ്രീ റിലീസ് ബിസിനസ്സായി ലഭിച്ചത്. 2022ല്‍ റിലീസ് ചെയ്ത ചിത്രത്തില്‍ വിജയ് സേതുപതിയും ഫഹദ് ഫാസിലുമാണ് മറ്റ് പ്രധാന കഥാപാത്രങ്ങളെ അവതരിപ്പിച്ചത്.

കമല്‍ഹാസന്റെ ബ്ലോക്ബസ്റ്ററുകളില്‍ ഒന്നാണ് ഇന്ത്യന്‍. കമല്‍ഹാസന്‍ ഇരട്ട വേഷത്തിലെത്തിയ ചിത്രം ശങ്കറാണ് സംവിധാനം ചെയ്തത്. എട്ട് കോടി മുതല്‍ മുടക്കില്‍ ഒരുങ്ങിയ ചിത്രം 60 കോടി രൂപയാണ് കളക്റ്റ് ചെയ്തത്.

കമല്‍ഹാസന്‍ പത്ത് വേഷത്തിലെത്തി അമ്പരപ്പിച്ച ചിത്രമാണ് ദശാവതാരം. 2008ല്‍ റിലീസ് ചെയ്ത ചിത്രം ഒരുക്കിയത് രവി കുമാറാണ്. 60 കോടി മുതല്‍ മുടക്കില്‍ ഒരുക്കിയ ചിത്രം 107 കോടിയാണ് നേടിയത്.

കമല്‍ ഹാസന്‍ പൊലീസ് വേഷത്തിലെത്തിയ ചിത്രമാണ് ഇത്. ഗൗതം വാസുദേവ് മേനോന്‍ സംവിധാനം ചെയ്ത ചിത്രത്തില്‍ ജ്യോതികയാണ് നായികയായി എത്തിയത്. 15 കോടി ബജറ്റില്‍ ഒരുങ്ങിയ ചിത്രം 48 കോടിയാണ് ആഗോളതലത്തില്‍ നേടിയത്. 2006 ലാണ് ചിത്രം റിലീസ് ചെയ്തത്.

2013ല്‍ റിലീസ് ചെയ്ത കമല്‍ഹാസന്‍ ചിത്രമാണ് വിശ്വരൂപം. താരം തന്നെയാണ് ചിത്രത്തിന്റെ സംവിധാനം നിര്‍വഹിച്ചത്. 75 കോടി ബജറ്റില്‍ ഒരുങ്ങിയ ചിത്രം 109 കോടിയാണ് നേടിയത്.