ബം​ഗാൾ തെരഞ്ഞെടുപ്പുമായി ബന്ധപ്പെട്ട് വിദ്വേഷകരമായ ട്വീറ്റ് പങ്കുവെച്ചതിന് പിന്നാലെയാണ് നടി കങ്കണയുടെ അക്കൗണ്ട് ട്വിറ്റർ സസ്പെൻഡ് ചെയ്തത്. ട്വിറ്റർ പുറത്താക്കിയതോടെ സ്വദേശി സോഷ്യൽ മീഡിയ പ്ലാറ്റ്ഫോമായ കൂവിലേക്ക് താരത്തിന് ക്ഷണം എത്തിയിരിക്കുകയാണ്. കൂവിന്റെ സഹസ്ഥാപകൻ അപ്രമേയ രാധാകൃഷ്ണൻ താരത്തെ സ്വാ​ഗതം ചെയ്തത്. 

കങ്കണ ഫെബ്രുവരിയിൽ കൂവിൽ പോസ്റ്റ് ചെയ്ത കുറിപ്പാണ് അപ്രമേയ ഷെയർ ചെയ്തിരിക്കുന്നത്. വാടക വീട് എപ്പോഴും വാടക വീട് തന്നെയാണെന്നും സ്വന്തം വീട് എന്ത് തന്നെയായാലും സ്വന്തം വീട് തന്നെയാണെന്നുമാണ് കങ്ക കുറിച്ചിരുന്നത്. തനിക്ക് ഈ സ്ഥലം പുതിയതാണെന്നും ശീലമായി വരണമെന്നും താരം പറഞ്ഞിരുന്നു. ഇത് ഓർമിപ്പിച്ചുകൊണ്ടാണ്  അപ്രമേയയുടെ പോസ്റ്റ്. 

കങ്കണ ജീ, ഇത് നിങ്ങളുടെ വീടാണ്. നിങ്ങളുടെ അഭിപ്രായം അഭിമാനത്തോടെ ഇവിടെ എല്ലാവരോടും പറയാം- എന്നാണ് അപ്രമേയ കുറിച്ചത്. ട്വിറ്ററിന് സമാനമായി ഇന്ത്യൻ ആപ്പാണ് ട്വിറ്റർ. മുൻപ് ട്വിറ്റർ കങ്കണയുടെ ട്വീറ്റുകൾ നീക്കം ചെയ്തതിന് പിന്നാലെ താരം കൂവിൽ അക്കൗണ്ട് തുറന്നിരുന്നു. എല്ലാവരും കൂവിലേക്ക് വരണമെന്നാണ് താരം പറഞ്ഞിരുന്നു. കൂവിൽ 4.48 ലക്ഷത്തിൽ പരം ഫോളോവേഴ്സുണ്ട് താരത്തിന്.