മുൻ പ്രധാനമന്ത്രി ഇന്ദിരാ​ഗാന്ധിയായി കങ്കണ റണാവത്ത് എത്തുന്ന പുതിയ ചിത്രം എമർജൻസിയുടെ ടീസർ പുറത്ത്. കങ്കണ തന്നെ സംവിധാനം ചെയ്യുന്ന ചിത്രം അടിയന്തരാവസ്ഥാ കാലത്തേക്കുറിച്ചാണ് പറയുന്നത്. ചിത്രത്തിന്റെ റിലീസ് തിയതിയും പുറത്തുവിട്ടു. നവംബർ 24ന് ചിത്രം തിയറ്ററുകളിൽ എത്തും. 

സംരക്ഷകയോ ഏകാധിപതിയോ? നമ്മുടെ രാഷ്ട്രത്തലവൻ രാജ്യത്തെ ജനങ്ങൾക്കെതിരെ യുദ്ധം പ്രഖ്യാപിച്ച ചരിത്രത്തിലെ ഏറ്റവും ഇരുണ്ട ഘട്ടത്തിന് സാക്ഷ്യം വഹിക്കുക.- എന്ന അടിക്കുറിപ്പിലാണ് കങ്കണ ടീസർ പങ്കുവച്ചത്. ചിത്രത്തിൽ ഇന്ദിരാ ​ഗാന്ധിയായി വൻ മേക്കോവറാണ് കങ്കണ നടത്തിയിരിക്കുന്നത്. ചിത്രത്തിൽ വൻതാരനിരയും അണിനിരക്കുന്നുണ്ട്. 

അനുപം ഖേർ ആണ് ജയപ്രകാശ് നാരായണനായെത്തുന്നത്. ശ്രേയസ് തൽപഡേ എ.ബി. വാജ്പേയിയേയും മഹിമ ചൗധരി പുപുൽ ജയകറേയും മിലിന്ദ് സോമൻ സാം മനേക് ഷായേയും സതീഷ് കൗശിക് ജ​ഗ്ജീവൻ റാമിനേയും അവതരിപ്പിക്കുന്നു. മലയാളി താരം വിശാഖ് നായർ ആണ് സഞ്ജയ് ​ഗാന്ധിയായെത്തുന്നത്. ആനന്ദം എന്ന ചിത്രത്തിലെ കുപ്പി എന്ന കഥാപാത്രം അവതരിപ്പിച്ച് ശ്രദ്ധേയനായ താരമാണ് വിശാഖ്.

ഓസ്കർ ജേതാവായ ഡേവിഡ് മലിനോവ്സ്കി ആണ് കങ്കണയുടെ വമ്പൻ മേക്കോവറിനു പിന്നിൽ റിതേഷ് ഷായാണ് ചിത്രത്തിന്റെ തിരക്കഥ ഒരുക്കുന്നത്. ജി.വി പ്രകാശാണ് സംഗീത സംവിധായകൻ. മണികർണികയ്ക്ക് ശേഷം കങ്കണ സംവിധാനം ചെയ്യുന്ന ചിത്രം കൂടിയാണിത്. 

ഈ വാര്‍ത്ത കൂടി വായിക്കൂ 

തള്ളുമ്പോൾ കുറച്ച് മയത്തിൽ തള്ളേണ്ടേ, എനിക്കിപ്പോ അസുഖം ഒന്നുമില്ല; രോ​ഗവിവരം പങ്കുവച്ച് ഭാ​ഗ്യലക്ഷ്മി​

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ