Sai Pallavi Pinterest
Entertainment

'സീത മാത്രമല്ല നിത്യയും ഞെ‌ട്ടിച്ചു'! സായ് പല്ലവിയെ തേടി കരൺ ജോഹറും യഷ് രാജ് ഫിലിംസും; വമ്പൻ ഓഫറുകളെന്ന് റിപ്പോർട്ട്

2026 നവംബറിൽ പുറത്തിറങ്ങിയ രണ്ട് ചിത്രങ്ങളും മികച്ച വിജയം നേടിയതോടെയാണ് സായ് പല്ലവിയെ തേടി വമ്പൻ ഓഫറുകളെത്തുന്നത്.

Author : സമകാലിക മലയാളം ഡെസ്ക്
Edited By : ചന്ദ്ര സ്വസ്തി

'ഓ.എം' (O.M) എന്ന ചിത്രത്തിലെ പ്രകടനത്തിന് പിന്നാലെ നടി സായ് പല്ലവിയെ തേടി ബോളിവുഡിലെ പ്രമുഖ നിർമാണ കമ്പനികളെത്തിയെന്ന് റിപ്പോർട്ടുകൾ. കരൺ ജോഹറിന്റെ ധർമ പ്രൊഡക്ഷൻസും യഷ് രാജ് ഫിലിംസും സായ് പല്ലവിയെ പുതിയ പ്രൊജക്ടുകൾക്കായി സമീപിച്ചിട്ടുണ്ടെന്നാണ് വിവിധ മാധ്യമങ്ങൾ റിപ്പോർട്ട് ചെയ്യുന്നത്.

'ധുരന്ധർ' സംവിധായകൻ ആദിത്യ ധറും നേരത്തെ താരത്തെ സമീപിച്ചിരുന്നതായാണ് വിവരം. 2026 നവംബറിൽ പുറത്തിറങ്ങിയ രണ്ട് ചിത്രങ്ങളും മികച്ച വിജയം നേടിയതോടെയാണ് സായ് പല്ലവിയെ തേടി വമ്പൻ ഓഫറുകളെത്തുന്നതെന്നാണ് റിപ്പോർട്ടുകൾ.

മമ്മൂട്ടിയും ധനുഷും പ്രധാന വേഷങ്ങളിലെത്തിയ 'ഓ.എം' എന്ന ചിത്രത്തിൽ നിത്യ റെഡ്ഡി എന്ന കഥാപാത്രത്തെയാണ് സായ് പല്ലവി അവതരിപ്പിച്ചത്. വൈകാരികതയും ആർജവവും ഒരുപോലെ പ്രകടമാകുന്ന നിത്യയുടെ ആക്ഷൻ രംഗങ്ങളും ശ്രദ്ധ നേടുന്നുണ്ട്. ചിത്രത്തിലെ താരത്തിന്റെ പ്രകടനത്തിന് മികച്ച പ്രതികരണമാണ് ലഭിക്കുന്നത്. ഇതിന് പിന്നാലെയാണ് ബോളിവുഡിലെ പ്രമുഖ നിർമാണ കമ്പനികൾ സായ് പല്ലവിയെ സമീപിച്ചെന്ന വാർത്തകൾ പുറത്തുവരുന്നത്.

ഇന്ത്യയിലെ ഏറ്റവും വലിയ ബജറ്റിൽ ഒരുങ്ങിയ 'രാമായണ' എന്ന ചിത്രത്തിൽ സീതയായെത്തിയതും സായ് പല്ലവിയാണ്. ട്രെയിലർ റിലീസിന് പിന്നാലെ താരത്തിന്റെ കാസ്റ്റിങ്ങിനെച്ചൊല്ലി വലിയ വിമർശനങ്ങൾ ഉയർന്നിരുന്നെങ്കിലും ചിത്രം പുറത്തിറങ്ങിയതോടെ സായ് പല്ലവിയുടെ പ്രകടനത്തിന് കൈയടികളുയർന്നു. സീതയെ ഏറെ കൈയടക്കത്തോടെ അവതരിപ്പിച്ചുവെന്ന് നിരവധിപേർ സമൂഹമാധ്യമങ്ങളിലൂടെ പ്രതികരിച്ചിരുന്നു. ഇതോടെ ബോളിവുഡിലും ശ്രദ്ധേയമായ സ്ഥാനം നേടിയെടുക്കാൻ സായ് പല്ലവിക്ക് സാധിച്ചു.

കരൺ ജോഹറിന്റെ ധർമ പ്രൊഡക്ഷൻസും ആദിത്യ ചോപ്രയുടെ യഷ് രാജ് ഫിലിംസും വരാനിരിക്കുന്ന പ്രൊജക്ടുകളിലേക്ക് സായ് പല്ലവിയെ പരിഗണിക്കുന്നതായാണ് റിപ്പോർട്ടുകൾ. ഇവയിൽ താരം ഭാഗമാകുമോ എന്ന കാര്യത്തിൽ ഇതുവരെ ഔദ്യോഗിക സ്ഥിരീകരണമില്ല. തനിക്കു മുന്നിലെത്തുന്ന തിരക്കഥകളെല്ലാം സായ് പല്ലവി പരിഗണിക്കുന്നുണ്ടെങ്കിലും പുതിയ പ്രൊജക്ടുകളൊന്നും ഇതുവരെ ഔദ്യോഗികമായി ഏറ്റെടുത്തിട്ടില്ലെന്നാണ് വിവരം.

'ഓ.എം' റിലീസിന് മുമ്പുതന്നെ ആദിത്യ ധർ സായ് പല്ലവിയെ സമീപിച്ചിരുന്നുവെന്നും പുതിയ ചിത്രത്തിൽ ശ്രദ്ധേയമായൊരു കഥാപാത്രമാണ് വാഗ്ദാനം ചെയ്തതെന്നുമാണ് പുറത്തുവരുന്ന വിവരം. അതേസമയം, താരത്തിന്റെ വരാനിരിക്കുന്ന പ്രൊജക്ടുകളിൽ നിതേഷ് തിവാരിയുടെ 'രാമായണ പാർട്ട് 2' ഉൾപ്പെടെയുള്ള വമ്പൻ ചിത്രങ്ങളുമുണ്ട്.

നിലവിൽ പ്രഭാസ് നായകനാകുന്ന 'കൽക്കി 2898 എ.ഡി'യുടെ രണ്ടാം ഭാഗത്തിലും സായ് പല്ലവി അഭിനയിക്കുന്നുണ്ട്. ആദ്യ ഭാഗത്തിൽ ദീപിക പദുക്കോൺ അവതരിപ്പിച്ച സുമതി എന്ന കഥാപാത്രത്തെയാണ് രണ്ടാം ഭാഗത്തിൽ സായ് പല്ലവി അവതരിപ്പിക്കുന്നത്. ഇതിനുപുറമേ 'രാമായണ'യിൽ സീതയായും താരം എത്തുന്നുണ്ട്.

'പ്രേമം' സിനിമയിലെ മലർ എന്ന കഥാപാത്രത്തിലൂടെ മലയാളികളുടെ പ്രിയങ്കരിയായി മാറിയ സായ് പല്ലവി പിന്നീട് തെലുങ്കിലും തമിഴിലും ശ്രദ്ധേയമായ വേഷങ്ങൾ ചെയ്തു. കഥാപാത്രങ്ങളുടെ തിരഞ്ഞെടുപ്പിലും അഭിനയത്തിലെ സ്വാഭാവികതയിലും പുലർത്തുന്ന വ്യത്യസ്തതയാണ് താരത്തിന് മറ്റ് ഭാഷകളിലും സ്വീകാര്യത നേടിക്കൊടുത്തത്. പുതിയ ബോളിവുഡ് ഓഫറുകൾ യാഥാർഥ്യമായാൽ സായ് പല്ലവിയുടെ കരിയറിലെ മറ്റൊരു പ്രധാന ചുവടുവയ്പ്പായിരിക്കും അത്.

Karan Johar and Yash Raj Films reach out to Sai Pallavi; reports suggest massive offers

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

'സാമ്പത്തിക ലോകത്തേയ്ക്കുള്ള കണ്ണാടി'; പുതിയ അധ്യായം ചേര്‍ത്ത് ദ ന്യൂ ഇന്ത്യന്‍ എക്‌സ്പ്രസ്, ദ ഫിനാന്‍ഷ്യല്‍ സ്റ്റാന്‍ഡേര്‍ഡ് വെബ്‌സൈറ്റ് മിഴിതുറന്നു

കെസി വേണുഗോപാലിനെതിരെ പോരിനുറച്ച് മുസ്ലീം ലീഗ്; രാഹുൽ ഗാന്ധിക്ക് പരാതി നൽകി, കോൺഗ്രസിൽ ഗ്രൂപ്പ് യുദ്ധം രൂക്ഷം

'15 ദിവസത്തിൽ കൂടുതൽ ഞാനത് ഉപയോ​ഗിച്ചു, നല്ല റിസൽറ്റും കിട്ടി; വാർത്ത കണ്ടപ്പോൾ ശരിക്കും ഞെട്ടി', ഫെയ്സ് ക്രീം പ്രൊമോട്ട് ചെയ്തതിൽ നടി റെനീഷ

വീട്ടിൽ വാട്ടർ ഫിൽറ്റർ ഉണ്ടോ? ഉപയോഗിക്കുമ്പോൾ ഈ 7 കാര്യങ്ങൾ മറക്കരുത്

'അങ്കമാലി ഡയറീസിന് പ്രതിഫലം ഉണ്ടായിരുന്നില്ല; ആദ്യമായി വലിയ തുക ലഭിച്ചത് ആ പരസ്യ ചിത്രത്തിലൂടെ'; തുറന്നു പറഞ്ഞ് പെപ്പെ