ബോളിവുഡ് താര ദമ്പതിമാരായ കത്രീന കൈഫിനും വിക്കി കൗശലിനും ആണ്‍ കുഞ്ഞ് പറഞ്ഞു. സോഷ്യല്‍ മീഡിയ പോസ്റ്റിലൂടെയാണ് ഇരുവരും സന്തോഷ വാര്‍ത്ത പങ്കിട്ടത്. ''ഞങ്ങളുടെ സന്തോഷത്തിന്റെ നിറകുടം വന്നിരിക്കുന്നു. വളരെയധികം നനന്ദിയോടെ, ഞങ്ങള്‍ ഞങ്ങളുടെ കുഞ്ഞിനെ സ്വാഗതം ചെയ്യുന്നു' എന്നാണ് ഇരുവരും സോഷ്യല്‍ മീഡിയയില്‍ കുറിച്ചിട്ടത്.

കത്രീനയുടേയും വിക്കിയുടേയും കുഞ്ഞിന്റെ വരവിനായി കാത്തിരിക്കുകയാണ് ആരാധകര്‍. ഈയ്യടുത്താണ് താന്‍ ഗര്‍ഭിണിയാണെന്ന വിവരം കത്രീന പങ്കിട്ടത്. കഴിഞ്ഞ കുറച്ച് മാസങ്ങളായി കത്രീന പൊതുവേദികളില്‍ നിന്നെല്ലാം അകലം പാലിക്കുകയായിരുന്നു. ഇതോടെ താരം ഗര്‍ഭിണിയാണെന്ന വാര്‍ത്തകളും പ്രചരിച്ചു. ഇതോടെയാണ് താരം തന്നെ വാര്‍ത്ത സ്ഥിരീകരിച്ചത്.

ആരാധകരുടെ പ്രിയപ്പെട്ട താരജോഡിയാണ് കത്രീനയും വിക്കിയും. ഇരുവരും ഒരുമിച്ച് ഇതുവരേയും അഭിനയിച്ചിട്ടില്ല. അതുകൊണ്ട് തന്നെ വിക്കിയുടേയും കത്രീനയുടേയും പ്രണയകഥ ബോൡവുഡില്‍ വലിയ ചര്‍ച്ചയായിരുന്നു. എന്നാല്‍ പൊതുവേദികളില്‍ ഒരുമിച്ച് വന്നിരുന്നില്ല ഇരുവരും. എങ്കിലും സ്വകാര്യ ചിത്രങ്ങളും വിഡിയോകളും പുറത്തു വന്നതോടെ പ്രണയം സ്ഥിരീകരിക്കപ്പെട്ടു.

2021 ഡിസംബര്‍ 9 നാണ് വിക്കിയും കത്രീനയും വിവാഹിതരാകുന്നത്. തീര്‍ത്തും സ്വകാര്യമായ ചടങ്ങായിട്ടായിരുന്നു വിവാഹം നടന്നത്. ബോളിവുഡില്‍ നിന്നും വളരെ ചുരുക്കം ചിലര്‍ക്ക് മാത്രമാണ് ക്ഷണമുണ്ടായിരുന്നത്. രാജസ്ഥാനില്‍ വച്ചായിരുന്നു വിവാഹം.