നടി കത്രീന കൈഫും വിക്കി കൗശലും ഈ മാസം വിവാഹിതരാകും ‌എന്ന വാർത്തകൾക്ക് പിന്നാലെ വിവാഹ ഒരുക്കങ്ങളെ കുറിച്ചുള്ള വിവരങ്ങളാണ് ഇപ്പോൾ പുറത്തുവരുന്നത്. രാജസ്ഥാനിൽ നടക്കുന്ന വിവാഹമേളത്തിനായി കത്രീന അണിയുന്ന മെഹന്തിയാണ് വാർത്തകളിൽ നിറയുന്നത്. സിക്‌സ് സെൻസസ് ഫോർട്ട് ബർവാറ എന്ന റോയൽ പാലസിലാണ് വിവാഹം. സബ്യസാച്ചി വസ്ത്രങ്ങളായിരിക്കും ഇരുവരും വിവാഹചടങ്ങുകൾക്ക് അണിയുക.

സോജത് മെഹന്ദി

ജോധ്പ്പൂരിലെ പാലി ജില്ലയിൽ നിന്നുള്ള സോജത് മെഹന്ദിയാണ് നടി അണിയുക. കെമിക്കലുകൾ ഒന്നുമില്ലാതെ പ്രകൃതിദത്ത ചേരുവകൾ ഉപയോഗിച്ചാണ് ഈ മൈലാഞ്ചി ഒരുക്കുന്നത്. കൈകൊണ്ട് നിർമ്മിക്കുന്നതാണെന്നതാണ്  സോജത് മെഹന്ദിയുടെ മറ്റൊരു പ്രത്യേകത. ഇതിന് ഏകദേശം 50,000 രൂപ മുതൽ ഒരു ലക്ഷം രൂപവരെ വില വരും. 

അടുത്ത ആഴ്ച മുംബൈയിൽ വച്ച് താരങ്ങളുടെ നിയമപരമായുള്ള വിവാഹം നടക്കുമെന്നും റിപ്പോർട്ടുകളുണ്ട്.