ആരാധകരെ ആവേശത്തിലാക്കി കുഞ്ചാക്കോ ബോബന്റെ സെല്ഫി. മമ്മൂട്ടിക്കും മോഹന്ലാലിനുമൊപ്പം ചിത്രമാണ് താരം സോഷ്യല് മീഡിയയില് പങ്കുവച്ചത്. മഹേഷ് നാരായണന്റെ പുതിയ സിനിമയുടെ ചിത്രീകരണത്തിന്റെ ഭാഗമായി ശ്രീലങ്കയിലാണ് താരങ്ങള് ഇപ്പോള്. ഫാന് ബോയ് മൊമന്റ് എന്ന് പറഞ്ഞാണ് ചാക്കോച്ചന്റെ സൂപ്പര്താരങ്ങള്ക്കൊപ്പമുള്ള ചിത്രം പോസ്റ്റ് ചെയ്തത്.
ബിഗ് എംസിനൊപ്പം. ഫാന് ബായ് നിമിഷത്തിന്റെ ഏറ്റവും ഉയര്ന്ന ഇടത്തില്. ഒരു മഹേഷ് നാരായണന് ചിത്രം.- എന്ന അടിക്കുറിപ്പിലാണ് കുഞ്ചാക്കോ ബോബന് ചിത്രം പങ്കുവച്ചത്. മോഹന്ലാലിന്റെ തോളത്ത് കയ്യിട്ട് നില്ക്കുന്ന മമ്മൂട്ടിയെ ആണ് ചിത്രത്തില് കാണുന്നത്. കൂടാതെ ഇരുവരും ഒന്നിച്ചുള്ള മറ്റ് ചിത്രങ്ങളും പോസ്റ്റ് ചെയ്തിട്ടുണ്ട്.
സോഷ്യല് മീഡിയയില് കത്തിക്കയറുകയാണ് ചിത്രം. താരങ്ങള് ഉള്പ്പെടെ നിരവധി പേരാണ് പോസ്റ്റിന് താഴെ കമന്റുമായി എത്തുന്നത്. മഹേഷ് നാരായണന് സംവിധാനം ചെയ്യുന്ന മള്ട്ടി സ്റ്റാര് ചിത്രത്തില് മമ്മൂട്ടിക്കും മോഹന്ലാലിനുമൊപ്പം കുഞ്ചാക്കോ ബോബനും പ്രധാന വേഷത്തിലെത്തുന്നുണ്ട്. മോഹന്ലാലിന് പിന്നാലെ മമ്മൂട്ടിയും ലൊക്കേഷനിലേക്ക് എത്തിയതോടെ ചിത്രീകരണം ഉടന് ആരംഭിച്ചേക്കും.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates