തെന്നിന്ത്യന്‍ ആരാധകരുടെ മനസില്‍ എന്നും നിറഞ്ഞു നില്‍ക്കുന്ന നടിയാണ് മധുബാല. തമിഴിലും തെലുങ്കിലും മലയാളത്തിലുമായി നിരവധി ചിത്രങ്ങളില്‍ അഭിനയിച്ച താരം ചെറിയ ഇടവേളയ്ക്ക് ശേഷം സിനിമയിലേക്കേ് തിരിച്ചെത്തിയിരുന്നു. ഇപ്പോള്‍ മലയാള സിനിമയില്‍ അഭിനയിക്കാന്‍ ഒരുങ്ങുകയാണ് താരം. 

അന്ന ബെന്നും അര്‍ജുന്‍ അശോകനും പ്രധാന വേഷത്തില്‍ എത്തുന്ന 'എന്നിട്ട് അവസാനം' എന്ന ചിത്രത്തിലാണ് മധു ബാല അഭിനയിക്കുന്നത്. എംസി ജോസഫാണ് ചിത്രം തിരക്കഥ ഒരുക്കി സംവിധാനം ചെയ്യുന്നത്. ചിത്രത്തിന്റെ ഫസ്റ്റ് ലുക്ക് പോസ്റ്റ് പുറത്തിറങ്ങി. അന്ന ബെന്നിന് പിന്നില്‍ ഇരുന്ന് സ്‌കൂട്ടറില്‍ പായുന്ന മധുബാലയാണ് പോസ്റ്റിറില്‍. ഇരുവര്‍ക്കും പിന്നാലെ ഓടി വരുന്ന അര്‍ജനേയും കാണാം. 

വികൃതി എന്ന ഹിറ്റ് ചിത്രത്തിനു ശേഷം എംസി ജോസഫ് ഒരുക്കുന്ന ചിത്രമാണിത്.  എ ജെ ജെ സിനിമാസിന്റെ ബാനറില്‍ അനന്ത് ജയരാജ് ജൂനിയര്‍, ജോബിന്‍ ജോയി എന്നിവര്‍ ചേര്‍ന്നാണ് ചിത്രം നിര്‍മിക്കുന്നത്. അപ്പു പ്രഭാകറാണ് ഛായാഗ്രഹണം. ചിത്രത്തിന്റെ ഷൂട്ടിങ് വൈകാതെ ആരംഭിക്കും. ദുല്‍ഖര്‍ സല്‍മാനും നസ്രിയയും നായികാനായകന്മാരായി എത്തിയ സംസാരം ആരോഗ്യത്തിന് ഹാനികരത്തിലാണ് മധുബാല അവസാനമായി മലയാളത്തില്‍ അഭിനയിച്ചത്.