ബോളിവുഡ് സംവിധായകരും നടൻമാരുമെല്ലാം പലപ്പോഴും മമ്മൂട്ടിയുടെ അഭിനയത്തെ പ്രശംസിച്ച് രം​ഗത്തെത്താറുണ്ട്. അടുത്തിടെ ഭ്രമയു​ഗം എന്ന മമ്മൂട്ടി ചിത്രവും ബോളിവുഡിൽ ഏറെ പ്രശംസകൾ ഏറ്റുവാങ്ങിയിരുന്നു. 1993ൽ പുറത്തിറങ്ങിയ ധർത്തിപുത്ര എന്ന ചിത്രത്തിലൂടെയാണ് മമ്മൂട്ടി ബോളിവുഡിൽ അരങ്ങേറുന്നത്. ചിത്രം തിയറ്ററുകളിൽ കാര്യമായ വിജയം നേടിയില്ലെങ്കിലും ചിത്രത്തിലെ ​ഗാനങ്ങൾ വളരെയധികം ശ്രദ്ധ നേടി.

നദീം- ശ്രാവൺ ജോഡികൾ ചേർന്ന് രചിച്ച സാരേ രംഗോ സേ ഹാ എന്ന ഗാനം ഇന്നും ഹിറ്റാണ്. ഹോളിയുടെ പശ്ചാത്തലത്തിലാണ് ഈ ​ഗാനമൊരുക്കിയിരിക്കുന്നത്. മമ്മൂട്ടിയും ജയപ്രദയുമാണ് ​ഗാനരം​ഗത്തിൽ അഭിനയിച്ചത്. മലയാളികൾക്കിടയിലും ഈ ​ഗാനം തരം​ഗമായിരുന്നു. ഇന്നും ചിത്രത്തിലെ ​ഗാനങ്ങൾക്ക് ഒരുപറ്റം ആരാധകരുണ്ട്. അമിതാഭ് ബച്ചൻ തിളങ്ങി നിന്നിരുന്ന സമയത്ത്.

ബോളിവുഡിൽ പോയി ഒരു പടത്തിലെ മെയിൻ റോൾ ചെയ്യാൻ മലയാള സിനിമയിൽ ഒരൊറ്റ പേരെ ഉള്ളൂ, മമ്മൂട്ടി. എത്ര മനോഹരമായിട്ടാ നമ്മുടെ മമ്മൂക്ക ഡാൻസ് ചെയ്യുന്നത്, മമ്മൂക്ക ഒന്നു മനസ് വച്ചിരുന്നേൽ മലയാളത്തിലും ഇതുപോലെ ഡാൻസ് ചെയ്യാരുന്നു എന്നൊക്കെയാണ് പാട്ടിന് താഴെ ആരാധകർ കമന്റ് ചെയ്തിരിക്കുന്നത്. ഇഖ്ബാൽ ദുരനി ആണ് ധർത്തിപുത്ര സംവിധാനം ചെയ്തത്.

'മമ്മൂക്കയുടെ 10 മിനിറ്റ് പെർഫോമൻസ് കണ്ടപ്പോൾ തന്നെ നിർത്തി...'; 'ഏജന്റ്' ഒടിടി റിലീസിന് പിന്നാലെ ട്രോൾ പൂരം

ഋഷി കപൂറും ചിത്രത്തിൽ പ്രധാന വേഷത്തിലെത്തിയിരുന്നു. കപിൽ ദേവ് സിങ്ങെന്ന പൊലീസ് ഉദ്യോഗസ്ഥനും അഴിമതിക്കാരായ ഉദ്യോഗസ്ഥരും രാഷ്ട്രീയക്കാരും തമ്മിലുള്ള പോരാട്ടമാണ് ചിത്രത്തിന്റെ പ്രമേയം. കപിൽ ദേവ് സിങ് ആയാണ് ചിത്രത്തിൽ മമ്മൂട്ടി എത്തിയത്. എന്തായാലും ഈ ഹോളി ദിനത്തിൽ തീർച്ചയായും മമ്മൂട്ടി ആരാധകർക്ക് ഈ ചിത്രം കാണാവുന്നതാണ്.