തെന്നിന്ത്യൻ ഇന്ത്യയിൽ സിനിമ രം​ഗത്തെ തന്റെതായ ഇരിപ്പിടം സൃഷ്ടിച്ച താരങ്ങളാണ് മഞ്ജു വാര്യരും നയൻതാരയും. സ്ക്രീനിന് പുറത്ത് നല്ല സൗഹൃദം പങ്കവെക്കുന്ന താരങ്ങളാണ് ഇരുവരും. ഇപ്പോഴിതാ പ്രേക്ഷകരുടെ മനം കവർന്ന താര സുന്ദരികൾ ഒരു ഫ്രെയിമിൽ. ഇന്നതെ വനിതാ ദിനത്തോട് അനുബന്ധിച്ച് മഞ്ജു വാര്യരാണ് നയൻതാരയ്ക്കൊപ്പമുള്ള ചിത്രം പങ്കുവെച്ചത്.

'എല്ലാവരുടെയും ഉള്ളിൽ ഒരു വണ്ടർ വുമൺ ഉണ്ടാകും. എന്റെ തൊട്ടടുത്തും ഒരു വണ്ടർ വുമൺ ഇരിപ്പുണ്ട്. ഒരുപാട് സ്നേഹം എന്‍റെ സൂപ്പര്‍സ്റ്റാറിന്'- എന്ന കുറിപ്പോടെയാണ് മഞ്ജു നയൻതാരയ്ക്കൊപ്പമുള്ള ചിത്രം പങ്കുവെച്ചിരിക്കുന്നത്.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

നിരവധി ആളുകളാണ് ചിത്രത്തിന് താഴെ കമന്റുമായി എത്തിയത്. ചുരുങ്ങിയ സമയം കൊണ്ട് ചിത്രം ആരാധകർ ഏറ്റെടുത്തു. എന്നാണ് ഇരുവരും ഒന്നിച്ചു സിനിമ ചെയ്യുന്നതെന്നും ആരാധകർ കമന്റായി ചോദിക്കുന്നുണ്ട്. നയൻതാരയുടെ ബോളിവുഡ് പ്രവേശനത്തിനും ജന്മദിനത്തിനും താരത്തിന് ആശംസകൾ അറിയിച്ച് മഞ്ജു വാര്യർ രം​ഗത്തെത്തിയിരുന്നു. ടെസ്റ്റ് ആണ് നയൻതാരയുടെ റിലീസിന് ഒരുങ്ങുന്ന സിനിമ. ഫൂട്ടേജ് ആണ് ആരാധകർ കാത്തിരിക്കുന്ന മഞ്ജുവിന്റെ മലയാള ചിത്രം.