ഇന്ത്യൻ ക്രിക്കറ്റ് ഇതിഹാസം മിതാലി രാജിന്റെ ജീവിതം പറയുന്ന സബാഷ് മിതുവിന്റെ ട്രെയിലർ പുറത്ത്. താപ്സി പന്നു ആണ് മിതാലിയുടെ വേഷത്തിൽ എത്തുന്നത്. മിതാലിയുടെ ജീവിതത്തിനൊപ്പം ഇന്ത്യൻ വനിത ക്രിക്കറ്റിന്റെ പോരാട്ടമാണ് ചിത്രം പറയുന്നത് എന്നാണ് ട്രെയിലർ നൽകുന്ന സൂചന. 

മിതാലിയുടെ കുട്ടിക്കാലവും ക്രിക്കറ്റിലേക്കുള്ള വരവുമെല്ലാം ചിത്രത്തിൽ കാണിക്കുന്നുണ്ട്. കൂടാതെ മിതാലിയും ക്രിക്കറ്റ് ടീമും നേരിട്ട വിവേചനവും അവരുടെ പോരാട്ടവുമെല്ലാം സബാഷ് മിതുവിന്റെ ഭാ​ഗമാകുന്നു. സിർജിത് മുഖർജിയാണ് ചിത്രത്തിന്റെ സംവിധായകൻ. ചിത്രം ജൂലൈ 15ന് തിയറ്ററുകളിലെത്തും.

മിതാലി രാജ്, ആ പേര് നിങ്ങൾക്ക് അറിയാമായിരിക്കും അവരെ ഇതിഹാസതാരമാക്കിയത് എങ്ങനെയെന്ന് അറിയാനായി തയാറെടുത്തോളൂ. ദി ജെൻഡിൽമെൻസ് ​ഗെയിമിനെ മാറ്റിയെഴുതിയ സ്ത്രീ. അവൾ ചരിത്രം രചിച്ചു. അത് നിങ്ങളിലെത്തിക്കാൻ കഴിഞ്ഞതിൽ അഭിമാനമുണ്ട്- എന്ന കുറിപ്പിലാണ് താപ്സി ട്രെയിലർ പങ്കുവച്ചിരിക്കുന്നത്. മിതാലിയും ചിത്രത്തിന്റെ ട്രെയിലർ പങ്കുവച്ചിട്ടുണ്ട്. 

ഈ വാര്‍ത്ത കൂടി വായിക്കാം 

'സ്ക്രീനിൽ എത്രയോ വട്ടം എന്റെ അച്ഛനായി, ജീവിതത്തിലും പിതൃതുല്യൻ'; ഫാദേഴ്സ് ഡേയിൽ മധുവിനെ സന്ദർശിച്ച് മോഹൻലാൽ

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ