മോഹൻലാൽ ആദ്യമായി സംവിധാനം ചെയ്യുന്ന ബറോസ് സിനിമയുടെ ഷൂട്ടിങ് പുരോ​ഗമിക്കുകയാണ്. താരത്തിന്റെ ലൊക്കേഷനിൽ നിന്നുള്ള ചിത്രങ്ങളെല്ലാം വൈറലാവാറുണ്ട്. ഇപ്പോൾ ശ്രദ്ധ നേടുന്നത് ബറോസ് ലൊക്കേഷനിലേക്കുള്ള താരത്തിന്റെ എൻട്രിയാണ്. മിനി കൂപ്പർ ഓടിച്ച് എത്തുന്ന മോഹൻലാലിന്റെ വിഡിയോ ആണ് വൈറലാവുന്നത്. 

നിരവധി ആഡംബര വാഹനങ്ങൾ സ്വന്തമായിട്ടുണ്ടെങ്കിലും മോഹൻലാൽ ഡ്രൈവ് ചെയ്യുന്നത് അധികം കണ്ടിട്ടില്ല. ഈ പതിവ് തെറ്റിച്ച് സുഹൃത്ത് സമീർ ഹംസയ്ക്കൊപ്പം വണ്ടിയോടിച്ച് വരുന്ന മോഹൻലാലിനെയാണ് വിഡിയോയിൽ കാണുന്നത്. സമീർ ഹംസയുടെ മിനി കൂപ്പർ ജോൺ കൂപ്പർ വർക്സാണ് താരം ഡ്രൈവ് ചെയ്യുന്നത്. കൊച്ചിയിലെ ബറോസ് ലൊക്കേഷനിലേക്കാണ് താരം വണ്ടി ഓടിച്ച് എത്തിയത്. സമീർ ഹംസ തന്നെയാണ് വിഡിയോ പങ്കുവച്ചത്.

മിനി സ്റ്റൈലിഷ് പതിപ്പാണ് ജോണ്‍കൂപ്പർ വർക്സ്. 2 ലീറ്റർ എൻജിനുള്ള വാഹനത്തിന്റെ കരുത്ത് 231 എച്ച്പിയാണ്. പൂജ്യത്തിൽ നിന്ന് 100 കിലോമീറ്റർ വേഗം കൈവരിക്കാൻ 6.1 സെക്കൻഡ് മാത്രം മതി ഈ വാഹനത്തിന്. കഴിഞ്ഞ ദിവസം നടി മഞ്ജു വാര്യർ മിനി കൂപ്പർ സ്വന്തമാക്കിയിരുന്നു. 56 ലക്ഷത്തോളം വിലവരുന്ന ഇലക്ട്രിക് മിനി കൂപ്പറാണ് താരം സ്വന്തമാക്കിയത്. 

ഈ വാർത്ത കൂടി വായിക്കൂ... 'ഓ പ്രിയേ... ദൈവത്തിന് പറ്റിയ തെറ്റല്ല, എന്റെ ജീവിതത്തിൽ സംഭവിച്ച് ഏറ്റവും മികച്ചത് നീയാണ്'; 17ാം വിവാഹവാർഷികത്തിൽ ചാക്കോച്ചൻ