മാർച്ച് 12ന് ലൊസാഞ്ചലസിൽ വെച്ച് നടക്കുന്ന 95-ാമത് ഓസ്‌കർ വേദിയിൽ 'നാട്ടു നാട്ടു' ലൈവായി അവതരിപ്പിക്കാൻ ഒരുങ്ങി ഗായകരായ രാഹുൽ സിപ്ലിഗഞ്ചും കലാ ഭൈരവയും. ഇതാദ്യമായാണ് ഒരു തെന്നിന്ത്യൻ ഗാനം ഓസ്‌കർ വേദിയിൽ അവതരിപ്പിക്കുന്നത്. എന്നാൽ ​ഗാനത്തിനൊപ്പം രാം ചരണും ജൂനിയർ എൻടിആറും ചുവടുവെക്കാനെത്തുമോ എന്നാണ് ആരാധകർ ആകാംക്ഷയോടെ കാത്തിരിക്കുന്നത്.

എംഎം കീരവാണിയുടെ ഈണത്തിൽ രാം ചരണും ജൂനിയർ എൻടിആറും തകർപ്പൻ ചുവടുകളുമായി എത്തിയ 'നാട്ടു നാട്ടു' ലോകശ്രദ്ധ നേടിയിരുന്നു. എസ്‌എസ് രാജമൗലി സംവിധാനം ചെയ്ത ആർആർആറിലെ ​ഗാനത്തിന് ഗോൾഡൻ ​ഗ്ലോബ് പുരസ്‌കാരം ലഭിച്ചതോടെ ഇനി ഓസ്‌കറിനായുള്ള കാത്തിരിപ്പാണ് ആരാധകർ.

ഒർജിനൽ സോങ് വിഭാഗത്തിലാണ് ഗാനത്തിന് നോമിനേഷൻ ലഭിച്ചിരിക്കുന്നത്. 14 വർഷത്തിന് ശേഷമാണ് ​ഗോൾഡൻ ​ഗ്ലോബ് പുരസ്കാരം ഇന്ത്യയിലെത്തുന്നത്. 2009ൽ എആർ റഹ്മാനാണ് മുമ്പ് പുരസ്കാരം നേടിയത്. 

ഈ വാര്‍ത്ത കൂടി വായിക്കൂ 

മാന്യമായ വസ്ത്രം ധരിച്ചില്ല, ഭക്ഷണം കഴിക്കാൻ വന്ന ഹോളിവുഡ് താരം റസ്സൽ ക്രോയെയും കാമുകിയെയും ഹോട്ടൽ നിന്നും പുറത്താക്കി

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ‌