നാഗ ചൈതന്യയുടെയും ശോഭിത ധൂലിപാലയുടെയും വിവാഹനിശ്ചയം വാർത്തകളിലിടം നേടിയിരുന്നു. ഇപ്പോഴിതാ താരവിവാഹത്തിന്റെ കൂടുതൽ വിവരങ്ങൾ പുറത്തുവന്നിരിക്കുകയാണ്. ഡിസംബർ 4 ന് ഹൈദരാബാദിലെ അന്നപൂർണ സ്റ്റുഡിയോയിൽ വച്ചാണ് താരവിവാഹം. ഇരുവരുടേയും അടുത്ത ബന്ധുക്കളുടെയും സുഹൃത്തുക്കളുടെയും സാന്നിധ്യത്തിലായിരിക്കും വിവാഹചടങ്ങുകൾ നടക്കുക.

അന്നപൂർണ സ്റ്റുഡിയോസുമായി അക്കിനേനി കുടുംബത്തിന് ഒരു വൈകാരിക ബന്ധവുമുണ്ട്. നാ​ഗാർജുനയുടെ അച്ഛൻ അക്കിനേനി നാഗേശ്വര റാവു സ്ഥാപിച്ച സ്റ്റുഡിയോ ആണിത്. മുത്തച്ഛന്റെ അനു​ഗ്രഹം തേടിയാണ് നാ​ഗ ചൈതന്യ ഇവിടെ വച്ചു തന്നെ വിവാഹം കഴിക്കണമെന്ന് ആ​ഗ്രഹിക്കുന്നതെന്നും അക്കിനേനി കുടുംബവുമായി ബന്ധപ്പെട്ട അടുത്തവൃത്തങ്ങൾ അറിയിച്ചു.

'അമ്മ 4 വർഷമായി കോമയിലാണ്, എല്ലാം നോക്കുന്നത് അപ്പ'; സത്യരാജിന്റെ മകൾ

തെലുങ്ക് ആചാരപ്രകാരം പരമ്പരാ​ഗത രീതിയിലായിരിക്കും വിവാഹം. എന്നാൽ വിവാഹ സമയം ഇതുവരെ പുറത്തുവന്നിട്ടില്ല. അടുത്തിടെ വിവാഹാഘോഷങ്ങൾക്ക് തുടക്കം കുറിച്ചു കൊണ്ടുള്ള ​ഗോധുമ റായ് പശുപു ദഞ്ചതം ചടങ്ങിൽ നിന്നുള്ള ചിത്രങ്ങൾ ശോഭിത പങ്കുവച്ചിരുന്നു. ഏറെ നാളത്തെ പ്രണയത്തിന് ശേഷമാണ് ഇരുവരും തമ്മിൽ വിവാഹിതരാകുന്നത്.