തെന്നിന്ത്യയിൽ സൂപ്പർഹിറ്റായി മാറിയ പ്രേമലു സിനിമയെ പ്രശംസിച്ച് നയൻതാര. ഇൻസ്റ്റ​ഗ്രാം സ്റ്റോറിയിലൂടെയായിരുന്നു സിനിമയെ താരം പ്രശംസിച്ചത്. ‘നല്ല സിനിമകള്‍ എന്നെ സന്തോഷിപ്പിക്കുന്നു’ എന്നാണ് നയൻതാര കുറിച്ചത്. നയൻതാരയ്ക്ക് നന്ദി പറഞ്ഞുകൊണ്ട് ചിത്രത്തിലെ നായകനായ നസ്ലിനും എത്തി. സൂപ്പർതാരത്തിന്റെ പോസ്റ്റ് പങ്കുവച്ചുകൊണ്ടാണ് നസ്ലിൻ നന്ദി കുറിച്ചത്.

ഒടിടിയിലൂടെയാണ് നയൻതാര സിനിമ കണ്ടത്. കഴിഞ്ഞ ​ദിവസമാണ് ചിത്രം ഡിസ്നി ഹോട്ട്സ്റ്റാറിൽ സ്ട്രീമിങ് ആരംഭിച്ചത്. പിന്നാലെ ചിത്രത്തിനെതിരെ വിമർശനവും ഉയർന്നിരുന്നു. ചിത്രം ഓവർ ഹൈപ്പാണ് ഒരു വിഭാ​ഗം വിമർശിച്ചത്. പ്രേമലു വിമർശനപോസ്റ്റുകൾ സോഷ്യൽ മീഡിയയിൽ നിറയുന്നതിനിടെയാണ് ചിത്രത്തെ പ്രശംസിച്ചുകൊണ്ട് നയൻതാര എത്തിയത്.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

യുവതാരങ്ങളെവെച്ച് ​ഗിരീഷ് എഡി സംവിധാനം ചെയ്ത ചിത്രമാണ് പ്രേമലു ചെറിയ ബജറ്റിൽ ഒരുങ്ങിയ ചിത്രം ആ​ഗോള തലത്തിൽ നിന്ന് 130 കോടിയോളമാണ് കളക്റ്റ് ചെയ്തത്. തെലുങ്കിൽ ഏറ്റവും അധികം കലക്‌ഷന്‍ നേടുന്ന മലയാള സിനിമ എന്ന റെക്കോര്‍ഡും പ്രേമലു നേടി. നസ്ലിൻ നായകനായി എത്തിയ ചിത്രത്തിൽ മമിത ബൈജു ആണ് നായികയായത്.