മലയാളത്തിലെ ഇഷ്ട താരജോഡികളാണ് ഫഹദ് ഫാസിലും നസ്രിയയും. ഇരുവരും ഒന്നിച്ചുള്ള ചിത്രങ്ങളെല്ലാം സോഷ്യൽ മീഡിയയിൽ വൈറലാവാറുണ്ട്. ഇപ്പോൾ ഹിറ്റാകുന്നത് നസ്രിയ പങ്കുവെച്ച പുതിയ ചിത്രമാണ്. പാർട്ണർ എന്ന ക്യാപ്ഷനിലാണ്  തന്റെ പ്രിയതമനൊപ്പമുള്ള ചിത്രം നസ്രിയ പങ്കുവെച്ചത്. 

ചിത്രം വൈറലാവുന്നത് ഫഹദ് ഫാസിലിന്റെ കൂൾ ലുക്കിന്റെ പേരിലാണ്. ഫോട്ടോയ്ക്കായി കൂളായി പോസ് ചെയ്യുകയാണ് താരം. ഫഹദിനെ ചാരി നിൽക്കുന്ന നസ്രിയയേയും കാണാം. നിരവധി കമന്റുകളാണ് ചിത്രത്തിന് ലഭിക്കുന്നത്. ഏറ്റവും മികച്ച ചിത്രം എന്നായിരുന്നു റോഷൻ മാത്യുവിന്റെ കമന്റ്. 

കഴിഞ്ഞദിവസം സിനിമയിലെ അടുത്ത സുഹൃത്തുക്കളായ ദുൽഖർ സൽമാന്റേയും പൃഥ്വിരാജിന്റേയും ഫാമിലിയുമായി ഇവർ ​ഗെറ്റ് ടു​ഗദർ നടത്തിയിരുന്നു. മൂന്ന് സൂപ്പർ ജോഡികൾ ഒന്നിച്ചുള്ള ചിത്രം സോഷ്യൽ മീഡിയയിൽ വൈറലായി.