തന്റെ ജീവിതത്തിലെ പ്രണയത്തേക്കുറിച്ച് വെളിപ്പെടുത്തി നടി ഷക്കീല. തനിക്ക് കാമുകനുണ്ടെന്നും അദ്ദേഹത്തിന്റെ വിവാഹമാണെന്നുമാണ് ഷക്കീല പറയുന്നത്. കാമുകൻ അന്യമതത്തിൽപ്പെട്ട ആളാണെന്നും വീട്ടിൽ നിന്ന് പ്രശ്നങ്ങളുണ്ടാകുമെന്ന് തനിക്കറിയാമായിരുന്നു എന്നും താരം പറഞ്ഞു. ഇഷ്ടപ്പെട്ട ആൾ സന്തോഷമായിരിക്കാൻ വേണ്ടി അദ്ദേഹത്തോട് വിവാഹം കഴിക്കാൻ ആവശ്യപ്പെട്ടത് താനാണെന്നും താരം കൂട്ടിച്ചേർത്തു. തമിഴ് മാധ്യമത്തിന് നൽകിയ അഭിമുഖത്തിലായിരുന്നു തുറന്നുപറച്ചിൽ. 

'ഇപ്പോൾ എനിക്കൊരു കാമുകൻ ഉണ്ട്. അദ്ദേഹത്തിന്റെ വിവാഹമാണ്. ഞങ്ങള്‍ രണ്ടുപേരും പ്രണയിച്ചു. എന്നാൽ അദ്ദേഹത്തിന്റെ കുടുംബത്തിലെ സാഹചര്യം കാരണം അദ്ദേഹത്തിന് കല്യാണം കഴിച്ചേ പറ്റൂ. ഞാൻ മുസ്ലിമും അദ്ദേഹം ഹിന്ദുവുമാണ്. ഇത്തരം പ്രശ്‌നങ്ങൾ വരുമെന്ന് എനിക്കറിയാം. അതിനാൽ കല്യാണം കഴിക്കേണ്ട സാഹചര്യം വന്നപ്പോൾ ചെയ്‌തോ എന്ന് ഞാൻ പറഞ്ഞു. കാരണം നമുക്കിഷ്ടപ്പെട്ടയാളെ കഷ്ടപ്പെടുത്തരുത്. ഇഷ്ടപ്പെട്ട ആൾ സന്തോഷമായിരിക്കാൻ വേണ്ടതാണ് ചെയ്യേണ്ടത്. അദ്ദേഹത്തിനും കുടുംബത്തിനും അതാണ് സന്തോഷമെന്ന് എനിക്കറിയാം. വിവാഹം ചെയ്‌തോ എന്ന് ഞാനാണ് പറഞ്ഞത്. - ഷക്കീല പറഞ്ഞു. 

കാമുകന്റെ പേര് പറയാൻ താൽപര്യമില്ലെന്നും ആളുകളറിഞ്ഞാൽ അത് പ്രശ്‌നമാകുമെന്നുമാണ് ഷക്കീല പറയുന്നത്. കാമുകന് വിവാഹം ആയാൽ അയാൾ മുൻ കാമുകനായി മാറുമെന്നും കൂട്ടിച്ചേർത്തു. തന്റെ വിവാഹസങ്കൽപ്പത്തെക്കുറിച്ചും താരം പറഞ്ഞു. രണ്ടാം ഭാര്യയാകാനോ ഡിവോഴ്‌സ് ആയവരുമായുള്ള വിവാഹമോ എനിക്ക് പറ്റില്ല.  മറ്റൊരാളുടെ ഭാര്യക്ക് ഞാൻ കാരണം ഒരു പ്രശ്‌നവും ഉണ്ടാകാൻ പാടില്ല എന്നാണ് ഷക്കീല പറയുന്നത്. 

കല്യാണം കഴിഞ്ഞാൽ അവരുടെ അടിമയാകുമോ എന്നുള്ള ആശങ്ക തനിക്കുണ്ട് എന്നാണ് താരം പറയുന്നത്. ഇപ്പോൾ ഞാൻ എന്റെ ഇഷ്ടത്തിനാണ് ജീവിക്കുന്നത്. എനിക്ക് തോന്നിയാൽ ഭക്ഷണം വെക്കും, ഇല്ലെങ്കിൽ വെക്കില്ല. പക്ഷെ അങ്ങനെയൊരാൾ വന്നാൽ അവർക്കായി ഭക്ഷണം വെക്കുകയും മറ്റും വേണം. എനിക്കത് പറ്റില്ല, എന്നു തോന്നുന്നു. കുട്ടികൾ വേണമെന്ന ആഗ്രഹവും ഉണ്ടായിരുന്നു.- താരം കൂട്ടിച്ചേർത്തു.

ഈ വാര്‍ത്ത കൂടി വായിക്കൂ 

'ഒരു പ്രത്യേക ഗ്യാങ്ങിന്റെ ചിത്രമായിരുന്നു 2018 എങ്കില്‍ ഓസ്കർ വാങ്ങുമായിരുന്നു': ജൂഡ് ആന്തണി ജോസഫ്

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ