കരിയറിലെ ആദ്യ പൊലീസ് വേഷവുമായി പാര്വതി തിരുവോത്ത്. ഷഹദ് സംവിധാനം ചെയ്യുന്ന പ്രഥമ ദൃഷ്ട്യാ കുറ്റക്കാരിലാണ് പാര്വതി യൂണിഫോം അണിയുന്നത്. ചിത്രത്തിന്റെ ടീസര് പുറത്ത് വിട്ടിരിക്കുകയാണ് അണിയറ പ്രവര്ത്തകര്. അര്ജുന് സെല്വ നിര്മിക്കുന്ന സിനിമയുടെ വിതരണം സെന്ട്രല് പിക്ചേഴ്സാണ്.
പൊലീസ് സ്റ്റേഷനുള്ളില് വച്ച് നടക്കുന്ന കുറ്റകൃത്യവും അന്വേഷണവുമാണ് ചിത്രം പറയുന്നതെന്ന സൂചനയാണ് ടീസറില് നിന്നും ലഭിക്കുന്നത്. പാര്വതിയുടെ കരിയറിലെ വേറിട്ട വേഷമായിരിക്കും പ്രഥമ ദൃഷ്ട്യാ കുറ്റക്കാരിലേതെന്ന് ടീസര് വ്യക്തമാക്കുന്നുണ്ട്. ആകാംക്ഷ ജനിപ്പിക്കുന്ന ടീസര് ഇതിനോടകം തന്നെ ചര്ച്ചയായി മാറിക്കഴിഞ്ഞു. ഭാവന സ്റ്റുഡിയോസിന്റെ യൂട്യൂബ് ചാനലിലൂടെയാണ് ടീസര് പുറത്ത് വിട്ടിരിക്കുന്നത്.
പാര്വതിയ്ക്കൊപ്പം വിജയരാഘവന്, സായ് കുമാര്, മാത്യു തോമസ്, വിനയ് ഫോര്ട്ട്, അസീസ് നെടുമങ്ങാട്, സിദ്ദാര്ഥ് ഭരതന്, ഉണ്ണി മായ പ്രസാദ്, ജയശ്രീ, നിയാസ് ബക്കര്, സിറാജ് എന്നിവരും പ്രധാന വേഷങ്ങളിലെത്തുന്നുണ്ട്. പ്രശസ്ത തമിഴ് നടന് പാര്ഥിപനും ചിത്രത്തില് പ്രധാന വേഷത്തിലെത്തുന്നുണ്ട്.
രചന - പി എസ് സുബ്രഹ്മണ്യം, വിജേഷ് തോട്ടുങ്കല്, സംഗീതം - മുജീബ് മജീദ്, ഛായാഗ്രഹണം - റോബി രാജ്. എഡിറ്റിങ് - ചമന് ചാക്കോ, കലാസംവിധാനം - മഹേഷ് മോഹന്, മേക്കപ്പ് - അമല്, കോസ്റ്റ്യൂം ഡിസൈന് -സമീറ സനീഷ്, ലൈന് പ്രൊഡ്യൂസര് - ദീപക്, പ്രൊഡക്ഷന് മാനേജര് - എല്ദോ ജോണ്, പ്രൊഡക്ഷന് എക്സിക്യൂട്ടീവ് - ഫഹദ് (അപ്പു) പ്രൊഡക്ഷന് കണ്ട്രോളര് - സനൂപ് ചങ്ങനാശേരി. ഐക്കണ്സ് ഫിലിം പ്രൊഡക്ഷന്സിന്റെ ബാനറില് അര്ജുന് സെല്വയാണ് നിര്മ്മാണം. വിതരണം. സെന്ട്രല് പിക്ചേഴ്സ്, പിആര്ഒ: വാഴൂര് ജോസ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates