തൊട്ടതെല്ലാം പൊന്നാക്കിയ നടനാണ് പൃഥ്വിരാജ്. നടൻ എന്ന നിലയിൽ മാത്രമല്ല മികച്ച സംവിധായകനും നിർമാതാവ്, ​ഗായകൻ എന്നിങ്ങനെ എല്ലാ മേഖലയിലും തന്റേതായ സ്ഥാനം നേടിയെടുക്കാൻ താരത്തിനായി. പൃഥ്വിരാജിന്റെ മകൾ അല്ലിയും അച്ഛന്റെ വഴിയെയാണ്. ​അല്ലി എഴുതിയ പാട്ടിന്റെ വരികൾ പങ്കുവെച്ചുകൊണ്ട് സുപ്രിയയാണ് വളർന്നുവരുന്ന ​ഗാനരചയിതാവിനെ പരിചയപ്പെടുത്തിയത്. 

റഫ് ബുക്കിലാണ് ആറു വയസുകാരി പാട്ടു കുറിച്ചത്. ഇതിന്റെ ചിത്രത്തിനൊപ്പമാണ് സുപ്രിയയുടെ കുറിപ്പ്. മകളുടെ റഫ് ബുക്ക് നോക്കുകയായിരുന്നു ഞാൻ. അതിൽ ഞാൻ കുറച്ച് ഒറിജിനൽ ​ഗാനങ്ങൾ കണ്ടെത്തി. അതിൽ ഒന്നാണ് ഇത്. ബഡ്ഡിങ് സോങ് റൈറ്റർ- എന്ന കുറിപ്പിലാണ് ബ്ല്യൂബെറി ബെൽസ് എന്ന ​ഗാനം സുപ്രിയ പോസ്റ്റ് ചെയ്തത്. ഈ പോസ്റ്റ് പൃഥ്വിരാജും പങ്കുവെച്ചിട്ടുണ്ട്. 

എന്തായാലും മികച്ച അഭിപ്രായമാണ് ​അല്ലിയുടെ എഴുത്തിന് ലഭിക്കുന്നത്. താരപുത്രിക്ക് ആശംസകളുമായി എത്തുന്നവരും നിരവധിയാണ്. ഇതിനു മുൻപും സുപ്രിയ അല്ലിയുടെ എഴുത്തുകളും പെയിന്റിഡങ്ങുമെല്ലാം പങ്കുവെച്ചിട്ടുണ്ട്.