കൊച്ചി: ഒക്ടോബര് 29ന് തീയേറ്റര് റിലീസ് പ്രഖ്യാപിച്ച് നിര്മ്മാതാക്കള്. ഡോമിന് ഡിസില്വ സംവിധാനം ചെയ്ത സ്റ്റാര് എന്ന ചിത്രമാണ് ആദ്യം തീയേറ്ററുകളില് എത്തുക. പൃഥ്വിരാജ് സുകുമാരന്, ജോജു ജോര്ജ്, ഷീലു എബ്രഹാം എന്നിവരാണ് ചിത്രത്തില് പ്രധാനവേഷത്തിലെത്തുന്നത്.
സാനിയ ബാബു, ശ്രീലക്ഷ്മി, തന്മയ് മിഥുന്, ജാഫര് ഇടുക്കി, സബിത, ഷൈനി രാജന്, രാജേഷ്ജി തുടങ്ങിയവരാണ് മറ്റു പ്രധാന വേഷങ്ങളിലെത്തുന്നത്. നവാഗതനായ സുവിന് എസ് സോമശേഖരന്റേതാണ് രചന.അബാം മൂവീസിന്റെ ബാനറില് എബ്രഹാം മാത്യുവാണ് ചിത്രം നിര്മിക്കുന്നത്. ഹരിനാരായണന്റെ വരികള്ക്ക് എം ജയചന്ദ്രനും രഞ്ജിന് രാജും ചേര്ന്നാണ് സംഗീതമൊരുക്കുന്നത്. തരുണ് ഭാസ്കരന് ഛായാഗ്രഹണം നിര്വഹിക്കുന്നു. ബാദുഷയാണ് പ്രൊജക്ട് ഡിസൈനര്.
ലാല് കൃഷ്ണനാണ് ചിത്രസംയോജനം നിര്വ്വഹിക്കുന്നത്. വില്യം ഫ്രാന്സിസാണ് പശ്ചാത്തല സംഗീതം ഒരുക്കുന്നത്. കമര് എടക്കര കലാസംവിധാനവും അരുണ് മനോഹര് വസ്ത്രാലങ്കാരവും നിര്വ്വഹിക്കുന്ന ചിത്രത്തില് റോഷന് എന്.ജി മേക്കപ്പും അജിത്ത് എം ജോര്ജ്ജ് സൗണ്ട് ഡിസൈനും നിര്വ്വഹിക്കുന്നു. റിച്ചാര്ഡാണ് പ്രൊഡക്ഷന് കണ്ട്രോളര്, അമീര് കൊച്ചിന് ഫിനാന്സ് കണ്ട്രോളറും സുഹൈല് എം, വിനയന് ചീഫ് അസോസിയേറ്റ്സുമാണ്.പി.ആര്.ഒ പി.ശിവപ്രസാദ്, സ്റ്റില്സ് അനീഷ് അര്ജ്ജുന് എന്നിവരാണ് മറ്റ് അണിയറപ്രവര്ത്തകര്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates