യാത്രകളെ സ്‌നേഹിക്കുന്ന നടിയാണ് സാനിയ അയ്യപ്പന്‍. ഇതിനോടകം നിരവധി സ്ഥലങ്ങളിലേക്കാണ് താരം യാത്രപോയിട്ടുള്ളത്. ഇപ്പോള്‍ ഓസ്‌ട്രേലിയയിലാണ് താരം. കഴിഞ്ഞ ദിവസം താരം ഓസ്‌ട്രേലിയയില്‍ നടത്തിയ ഏറ്റവും മനോഹരമായ യാത്രയെക്കുറിച്ച് പങ്കുവച്ചിരിക്കുകയാണ്. ഓസ്‌ട്രേലിയയിലെ ഏറ്റവും പഴക്കംചെന്ന ട്രെയിനിലായിരുന്നു താരത്തിന്റെ സഞ്ചാരം. 

പുറത്തേക്ക് കാലിട്ട് ട്രെയിനിന്റെ ജനലില്‍ ഇരുന്ന് കാഴ്ചകള്‍ ആസ്വദിക്കുന്ന സാനിയയെയാണ് വിഡിയോയില്‍ കാണുന്നത്. ഒരു കുറിപ്പിനൊപ്പമാണ് താരം വിഡിയോ പങ്കുവച്ചത്. ഓസ്‌ട്രേലിയയില്‍ എത്തുന്നവര്‍ ഇത് മിസ് ചെയ്യരുത് എന്നു പറഞ്ഞുകൊണ്ടാണ് താരത്തിന്റെ കുറിപ്പ്. 100ല്‍ അധികം പഴക്കമുള്ളതാണ് ഈ റെയില്‍വേ. വിരമിച്ചിട്ടും ജോലി ചെയ്യാന്‍ ആഗ്രഹിക്കുന്നവര്‍ക്ക് ഇവിടെ ജോലി ചെയ്യുന്നുണ്ടെന്നും താരം പറയുന്നു. 

ഓസ്‌ട്രേലിയയില്‍ നിന്നുള്ള കുക്കിങ് വിഡിയോയും താരം പങ്കുവച്ചിട്ടുണ്ട്. ബീഫ് സ്റ്റീക്കും ഗ്രില്‍ഡ് പ്രോണ്‍സുമാണ് സാനിയ പാചകം ചെയ്തത്. ഇതിനൊപ്പം സലാഡും താരം ഉണ്ടാക്കി. സ്വന്തമായി ഭക്ഷണമുണ്ടാക്കി കഴിച്ച അനുഭവത്തേക്കുറിച്ച് താരം തന്നെയാണ് പങ്കുവച്ചത്. ആദ്യമായാണ് ഭക്ഷണം ഉണ്ടാക്കി കഴിക്കുന്നത് എന്നാണ് താരം പറയുന്നത്. കൂടാതെ സുഹൃത്തിനൊപ്പമുള്ള ഡാന്‍സ് വിഡിയോയും സാനിയോ പങ്കുവച്ചിട്ടുണ്ട്.

ഈ വാര്‍ത്ത കൂടി വായിക്കൂ

-20 ഡി​ഗ്രി തണുപ്പിൽ പോലും തളരാത്ത ക്രൂ; ഷൂട്ടിന് എത്തിയ പാചകക്കാർ മുതൽ പൊലീസുകാർ വരെ; ലിയോ ടീമിന് നന്ദി പറഞ്ഞ് വിഡിയോ

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ