സീരിയൽ താരം സ്റ്റെബിൻ ജേക്കബ് വിവാഹിതനായി. ഡോ. വിനീഷയാണ് വധു. ബന്ധുക്കളും സുഹൃത്തുക്കളും മാത്രം പങ്കെടുത്ത ലളിതമായ ചടങ്ങിൽ വച്ചാണ് വിവാഹം നടന്നത്. കോവിഡ് മാനദണ്ഡങ്ങൾ പാലിച്ചായിരുന്നു വിവാഹം. 

അഭിനയത്തോടൊപ്പം ഇന്റീരിയർ ഡിസൈനർ കൂടിയായ സ്റ്റെബിൻ ഡോ. ജനാർദ്ദനൻ ഒരുക്കിയ നീർമാതളം എന്ന പരമ്പരയിലൂടെയാണ് അഭിനയ രംഗത്തേക്കെത്തിയത്. അനന്ദ് എന്നായിരുന്നു ‌കന്നി കഥാപാത്രത്തിന്റെ പേര്. ഇപ്പോൾ അഭിനയിക്കുന്ന ചെമ്പരത്തി എന്ന പരമ്പരയിലും സ്റ്റെബിന്റെ കഥാപാത്രത്തിന്റെ പേര് ആനന്ദ് എന്നുതന്നെയാണ്.