ശ്രീനഗര്‍: ജമ്മു കശ്മീരിലെ വൈഷ്‌ണോ ദേവി ക്ഷേത്രം സന്ദർശിച്ച് ബോളിവുഡ് സൂപ്പർതാരം ഷാരുഖ് ഖാൻ. ഇന്നലെ രാത്രിയാണ് താരം ദർശനത്തിന് എത്തിയത്. ആരാധകരാണ് താരത്തിന്റെ വിഡിയോ സോഷ്യൽ മീഡിയയിൽ പങ്കുവച്ചത്. റിലീസിന് ഒരുങ്ങുന്ന പത്താൻ സിനിമയിലെ ആദ്യ​ ​ഗാനമായ ഭേശരം രം​ഗിന്റെ റിലീസിന് മുന്നോടിയായിട്ടായിരുന്നു താരത്തിന്റെ ക്ഷേത്ര ദർശനം. 

കറുപ്പ് ജാക്കറ്റ് ധരിച്ച് മുഖം മറച്ചാണ് ഷാരൂഖ് സന്ദര്‍ശനത്തിനെത്തിയത്. സുരക്ഷാ ജീവനക്കാരും ഒപ്പമുണ്ടായിരുന്നു. ക്ഷേത്രത്തിലെത്തിയ മറ്റ് തീർത്ഥാടകർക്കൊപ്പം നടന്നു നീങ്ങുന്ന ഷാരുഖിനെയാണ് വിഡിയോയിൽ കാണുന്നത്. പുറത്തുവന്ന വിഡിയോയിൽ ഒന്നും താരത്തിന്റെ മുഖം വ്യക്തമല്ല. 

Shah Rukh Khan at Vaishno Devi's temple.. first Umrah at Mecca and now here.. he truly represents the whole India..!!
Epitome of Secularism