​ഗെയിം ചെയ്ഞ്ചർ എന്ന തന്റെ പുതിയ ചിത്രത്തിന്റെ പ്രൊമോഷൻ തിരക്കുകളിലാണിപ്പോൾ സംവിധായകൻ ശങ്കർ. ഇപ്പോഴിതാ തന്റെ അടുത്ത പ്രൊജക്ടിനേക്കുറിച്ച് ശങ്കർ പറഞ്ഞ വാക്കുകളാണിപ്പോൾ സോഷ്യൽ മീഡിയയിൽ വൈറലാകുന്നത്. ഇന്ത്യൻ 3 യ്ക്ക് ശേഷം തമിഴ് സാഹിത്യകാരനായ സു വെങ്കടേശന്റെ ജനപ്രിയ ചരിത്ര നോവലായ വീരയുഗ നായഗൻ വേൽപാരിയെ അടിസ്ഥാനമാക്കിയായിരിക്കുമെന്നാണ് ശങ്കർ വെളിപ്പെടുത്തിയിരിക്കുന്നത്.

"അടുത്ത പ്രൊജക്ട് രൺവീറിനൊപ്പം മുൻപ് പ്രഖ്യാപിച്ച അന്യൻ റീമേക്ക് ആയിരിക്കില്ല. വേൽപാരി എന്റെ ഡ്രീം പ്രൊജക്ടാണ്. ഈ പ്രൊജക്ടിലൂടെ ഞാൻ ഇതുവരെ കടുന്നു ചെല്ലാത്ത മേഖലകൾ കണ്ടെത്താനാണ് എന്റെ ശ്രമം. ഇതിന്റെ തിരക്കഥ പൂർത്തിയായി കഴിഞ്ഞു. മൂന്ന് ഭാ​ഗങ്ങളുള്ള ഒരു ചിത്രമായിരിക്കും ഇത്. വലിയ ബജറ്റ് ആവശ്യമുള്ള ബ്രഹ്മാണ്ഡ പ്രൊജക്ടാണിത്. ഈ പ്രൊജക്ട് ചെയ്യുന്നതിനുള്ള ചർച്ചകളൊന്നും ഇതുവരെ നടത്തിയിട്ടില്ല".- ശങ്കർ പറഞ്ഞു.

'എന്റെ അഹങ്കാരം കൊണ്ട് ഒഴിവാക്കി, ഇന്ന് ആ സിനിമ കാനിൽ എത്തി നിൽക്കുന്നു'; വെളിപ്പെടുത്തി വിൻസി അലോഷ്യസ്

ഇന്ത്യൻ 3 യെക്കുറിച്ചും ശങ്കർ സംസാരിച്ചു. ഞാൻ അതിന് റെഡിയാണ്. ഗെയിം ചെയ്ഞ്ചർ പൂർത്തിയായിക്കഴിഞ്ഞാൽ, ഇന്ത്യൻ 3 യുടെ ജോലികൾ പുനരാരംഭിക്കും. കുറച്ചു ഭാഗങ്ങൾ കൂടി ചിത്രീകരിക്കാൻ ബാക്കിയുണ്ടെന്നും ശങ്കർ വ്യക്തമാക്കി.