നടി ശിൽപ ബാല സംവിധാനം ചെയ്ത പൈങ്കിളി പാട്ട് ഇന്നലെയാണ് നടൻ പൃഥ്വിരാജ് പുറത്തുവിട്ടത്. ആനിമേറ്റഡ് വീഡിയോ മ്യൂസിക് ആല്‍ബമായി പുറത്തിറക്കിയ വിഡിയോ ശ്രദ്ധ നേടുകയാണ്. തന്റെ സുഹൃത്തുക്കളുടേയും പ്രണയവും വിവാഹവും ജീവിതവുമെല്ലാമാണ് ശിൽപ പൈങ്കിളി പാട്ടിലൂടെ ആരാധകരിലേക്ക് എത്തിക്കുന്നത്. 

ഭാവനയുടേയും കൂട്ടുകാരികളുടേയും പ്രണയം

ഭാവനയും ഭർത്താവും നവീനുമായുള്ള പ്രണയത്തിലാണ് വിഡിയോ തുടങ്ങുന്നത്. ഷൂട്ടിങ് ലൊക്കേഷനിൽ വച്ചാണ് ഇരുവരും പരിചയപ്പെടുന്നത്. കൂടാതെ നടി ഷഫ്നയും നടൻ സജിനുമായുള്ള പ്രണയവും നടി മൃതുല മുരളിയും ഭർത്താവ് നിധിൻ വിജയും തമ്മിലുള്ള പ്രണയവും വിഡിയോയിൽ ഉൾപ്പെടുത്തിയിട്ടുണ്ട്. കൂടാതെ തന്റെ ഭർത്താവ് വിഷ്ണു ​ഗോപാലനെ പരിജയപ്പെട്ടതും പ്രണയകത്തിലായതും എങ്ങനെയെന്നും ശിൽപയും പൈങ്കിളി പാട്ടിൽ കാണാം. നടി രമ്യ നമ്പീശൻ, ​ഗായിക സയനോര തുടങ്ങിയവരും വിഡിയോയിൽ ഭാ​ഗമാകുന്നുണ്ട്. 

വിനായക് എസ്. കുമാറാണ് വരികള്‍ എഴുതിയിരിക്കുന്നത്. സംഗീതം നല്‍കിയിരിക്കുന്നത് വികാസ് അല്‍ഫോന്‍സ് ആണ്. വികാസാണ് പാടിയിരിക്കുന്നതും. ടൈറ്റില്‍സ്- ജോസഫ് സാവിയോ സി.ജെ., ഇല്ലുസ്‌ട്രേഷന്‍ കോര്‍ഡിനേറ്റര്‍- ജോണി ഫ്രെയിംസ്‌. ശിൽപ ബാലയുടെ യൂട്യൂബ് ചാനലിലൂടെയാണ് വിഡിയോ പുറത്തുവന്നത്.