മലയാളികളുടെ ഇഷ്ട നടിയാണ് ശോഭന. സിനിമയിൽ അത്ര സജീവമല്ലെങ്കിലും നർത്തകിയായി ഇപ്പോഴും നിറഞ്ഞു നിൽക്കുകയാണ് താരം. സോഷ്യൽ മീഡിയയിൽ‌ ആക്റ്റീവായ താരം നിരവധി നൃത്ത വിഡിയോകളും പങ്കുവെക്കാറുണ്ട്.  തന്റെ ശിഷ്യർക്കൊപ്പമുള്ളതാണ് വിഡിയോകൾ അധികവും. 

പല നൃത്ത രൂപങ്ങളെക്കുറിച്ചും പോസ്റ്ററുകളെക്കുറിച്ചുമെല്ലാം ശോഭന ആരാധകരുമായി പങ്കുവെക്കാറുണ്ട്. കൂടാതെ ആരാധകരുടെ സംശയങ്ങൾക്കു മറുപടി നൽകാനും താരം മറക്കാറില്ല. അടുത്തിടെ താരത്തിന്റെ പോസ്റ്റിന് അടിയിൽ വന്നത് സിരിയുടുത്ത് ഡാൻസ് കളിക്കുന്നതിനെക്കുറിച്ചാണ്. ശോഭനയുടെ വിഡിയോകളിലെല്ലാം സാരിയുടുത്തുകൊണ്ട് ഡാൻസ് കളിക്കുന്നതാണ് കാണുന്നത്. സാരിയുടുത്ത് ഡാൻസ് കളിക്കുന്നതിന് എന്തെങ്കിലും കാരണമുണ്ടോ എന്നായിരുന്നു ശോഭനയോട് ആരാധിക ചോദിച്ചത്. അതിന് ജീൻസിട്ട് കളിച്ചോളൂ പ്രശ്നമില്ല എന്നായിരുന്നു താരത്തിന്റെ മറുപടി.