നടൻ ചിമ്പുവിന്റെ 45ാമത്തെ സിനിമയായ മാനാട് ടീസർ എത്തി. അബ്ദുൽ ഖാലിക്ക് എന്ന യുവാവായി ചിമ്പു എത്തുമ്പോൾ നായികയാകുന്നത് കല്യാണി പ്രിയദർശനാണ്. വെങ്കട്ട് പ്രഭു സംവിധാനം ചെയ്യുന്ന ചിത്രം വി ഹൗസ് പ്രൊഡക്‌ഷൻസിന്റെ ബാനറിൽ സുരേഷ് കാമാച്ചിയാണ് നിർമിക്കുന്നത്. പൊളിറ്റിക്കൽ ത്രില്ലറാണ് ചിത്രമെന്നാണ് റിപ്പോർട്ടുകൾ. 

എസ് എ ചന്ദ്രശേഖർ, എസ് ജെ സൂര്യ, കരുണാകരൻ, ഭാരതിരാജ, അരവിന്ദ് ആകാശ്, മനോജ് ഭാരതിരാജ, പ്രേംജി അമരൻ, ഉദയ, ഡാനിയൽ ആനി പോപ്പ്, രവികാന്ത് എന്നിങ്ങനെ വലിയൊരു താരനിര തന്നെയാണ് ചിത്രത്തിൽ അണിനിരക്കുന്നത്. യുവൻ ശങ്കർ രാജയാണ് സംഗീതം. മലയാളം അടക്കമുള്ള ഭാഷകളിൽ മാനാട് പ്രദർശനത്തിനെത്തും.