ഗായകന്‍ രാഹുല്‍ വൈദ്യയും നടി ദിഷ പര്‍മാറും വിവാഹിതരായി. അടുത്ത ബന്ധുക്കളുടെയും സുഹൃത്തുക്കളുടെയും സാന്നിദ്ധ്യത്തില്‍ ഹിന്ദു ആചാരപ്രകാരമായിരുന്നു വിവാഹം. ദീര്‍ഘനാളത്തെ പ്രണയത്തിനൊടുവിലാണ് ഇരുവരും വിവാഹിതരായത്. 

ചുവന്ന ലെഹങ്കയാണ് ദിഷ വിവാഹത്തിന് ധരിച്ചിരുന്നത്. ക്രീം നിറത്തിലെ ഷര്‍വാണിയായിരുന്നു രാഹുലിന്റെ വേഷം. 

ബിഗ് ബോസ് സീസണ്‍ 14ലെ ശ്രദ്ധേയനായ മത്സരാര്‍ത്ഥിയായിരുന്നു രാഹുല്‍. സീസണില്‍ രണ്ടാം സ്ഥാനം രാഹുല്‍ നേടി. റിയാലിറ്റി ഷോയ്ക്കിടയില്‍ ദിഷയോടുള്ള പ്രണയം തുറന്നുപറഞ്ഞ രാഹുല്‍ പരിപാടിയില്‍ പ്രണയാഭ്യര്‍ത്ഥനയും നടത്തി. ദിഷ രാഹുലിന്റെ പ്രണയാഭ്യര്‍ത്ഥന സ്വീകരിച്ചതും നടി ബിഗ്‌ബോസിലെത്തിയതുമെല്ലാം വാര്‍ത്തകളില്‍ നിറഞ്ഞിരുന്നു. ബിഗ് ബോസിലെ രാഹുലിന്റെ അടുത്ത സുഹൃത്തായ നടന്‍ അലി ഗോണി വിവഹത്തില്‍ പങ്കെടുത്തു.