ബോളിവുഡ് ​ഗായിക നേഹ കക്കറിന് ആരാധകർ ഏറെയാണ്. രാജ്യത്ത് ഏറ്റവും പ്രതിഫലം കൈപ്പറ്റുന്ന ​ഗായികമാരിൽ ഒരാളാണ് നേഹ. അതുപോലെ പാവപ്പെട്ടവരെ സഹായിക്കാനും താരം മടിക്കാറില്ല. ഇപ്പോൾ സോഷ്യൽ മീഡിയയിൽ വൈറലാവുന്നത് നേഹ കക്കറിന്റെ ഒരു വിഡിയോ ആണ്. തെരുവു കുട്ടികൾ‌ക്ക് സാമ്പത്തിക സഹായം നൽകുന്ന താരത്തെയാണ് വിഡിയോയിൽ കാണുന്നത്. 

വൈറലായി നേഹ കക്കറിന്റെ വിഡിയോ

കയ്യിൽ ഒരു കെട്ട് നോട്ട് കെട്ടുമായി കാറിൽ ഇരിക്കുകയാണ് നേഹ. തന്റെ വാഹനത്തിനടുത്തെത്തിയ ഒരു കൂട്ടം തെരുവ് കുട്ടികൾക്കാണ് നേഹ സഹായം നൽകിയത്. കുട്ടികൾക്ക് 500 രൂപ വീതമാണ് താരം നൽകിയത്. ഇതിനിടെ കുട്ടികളിൽ ചിലർ നേഹയുടെ കാറിനകത്തേയ്ക്കു കൈ കടത്തുകയും കൂടി നിന്ന ചിലർ ചിത്രങ്ങൾ പകർത്താൻ ശ്രമിക്കുകയും ചെയ്തതോടെ നേഹ മുഖം മറയ്ക്കുന്നതും വിഡിയോയിൽ കാണാം. മുംബൈയിൽ സുഹൃത്തുക്കൾക്കൊപ്പം ഭക്ഷണം കഴിച്ചു മടങ്ങുന്നതിനിടെയാണ് താരം തെരുവുകുട്ടികൾക്ക് സഹായം നൽകിയത്. 

താരത്തിന്റെ വിഡിയോ സോഷ്യൽ മീഡിയയിൽ വൈറലാവുകയാണ്. ഇതിനോടകം നിരവധി പേരാണ് നേഹ കക്കറിന്റെ പ്രശംസിച്ചുകൊണ്ട് രം​ഗത്തെത്തുന്നത്. മുൻപും തെരുവു കുട്ടികൾക്ക് താരം സഹായം നൽകിയിട്ടുണ്ട്.