മലയാളികളുടെ പ്രിയപ്പെട്ട സിനിമകളിൽ ഒന്നാണ് സമ്മർ ഇൻ ബത്‌ലഹേം. സിബി മലയിൽ ഒരുക്കിയ ചിത്രം സൂപ്പർ ഹിറ്റായി മാറുകയും ചെയ്തു. സുരേഷ് ഗോപി, ജയറാം എന്നിവർ കേന്ദ്ര കഥാപാത്രങ്ങളായി എത്തിയ ചിത്രം പുറത്തിറങ്ങി 27 വർഷത്തിനിപ്പുറം വീണ്ടും തിയറ്ററിൽ എത്തിയിരിക്കുകയാണ്. ഇപ്പോഴിതാ സിനിമയിലെ വിശേഷങ്ങൾ പറയുകയാണ് നടി ശ്രീജയ നായർ.

സമ്മർ ഇൻ ബത്‌ലഹേം സിനിമയിൽ അഭിനയിക്കുമ്പോൾ കൂടെ ഉണ്ടായിരുന്നുവർക്ക് എല്ലാം വിഗ് ഉണ്ടായിരുന്നുവെന്നും എന്നാൽ തനിക്ക് ഉണ്ടായിരുന്നില്ലെന്നും ശ്രീജയ നായർ പറഞ്ഞു. തനിക്ക് ആഗ്രഹം തോന്നി സിനിമയിലെ പാട്ട് സീനിൽ മഞ്ജു വാര്യരുടെ വിഗ് താൻ വാങ്ങിയിരുന്നുവെന്നും ശ്രീജയ നായർ പറഞ്ഞു. 'എനിക്ക് ലോങ്ങ് ഹെയർ ആയിരുന്നു.

മഞ്ജു ആ സിനിമയിൽ വിഗ് വെക്കുമ്പോൾ എനിക്ക് ആഗ്രഹമായിരുന്നു വെക്കാൻ വേണ്ടി. അതിൽ എല്ലാവർക്കും വിഗ് ഉണ്ടായിരുന്നു എനിക്ക് മാത്രമാണ് വിഗ് ഇല്ലാതിരുന്നത്. അപ്പോൾ ഞാൻ സോങ്ങിന്റെ സമയത്ത് മഞ്ജുവിനോട് ചോദിച്ചു ' ഒരു ദിവസം എനിക്ക് ആ വിഗ് തരുമോയെന്ന്. അങ്ങനെ ആ പാട്ടിൽ മാത്രം വിഗ് വെച്ചു.

പക്ഷേ കഥാപാത്രമാകുമ്പോൾ വിഗ് പറ്റില്ലല്ലോ. ഒരു പാവം കുട്ടിയാണ് അത്,' ശ്രീജയ നായർ പറഞ്ഞു. അതേസമയം റീ റിലീസിൽ അത്ര സ്വീകാര്യത സമ്മർ ഇൻ ബത്‍ലഹേമിന് ലഭിച്ചിട്ടില്ല. മഞ്ജു വാര്യർ, കലാഭവൻ മണി തുടങ്ങിയവര്‍ക്കൊപ്പം മോഹന്‍ലാലിന്‍റെ അതിഥി വേഷവും ചിത്രത്തിന്‍റെ ഹൈലൈറ്റ് ആയിരുന്നു. സിയാദ് കോക്കർ ആയിരുന്നു ചിത്രത്തിന്‍റെ നിര്‍മാണം.